തിരുവനന്തപുരം: കേരളത്തില് ഇന്ന് കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്ന് മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടാണ്. തിരുവനന്തപുരം, കൊല്ലം, പാലക്കാട്, ഒഴികെയുള്ള ജില്ലകളില് യെല്ലോ അലര്ട്ട് ഉണ്ട്. പരക്കെ മഴ കിട്ടുമെങ്കിലും ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യത. കാറ്റിനും സാധ്യത ഉണ്ടെന്നാണ് മുന്നറിയിപ്പ്.
അടുത്ത ദിവസങ്ങളിലും വടക്കന് ജില്ലകളില് ഓറഞ്ച് അലര്ട്ട് ആണ്. കേരളാ തീരത്ത് ഉയര്ന്ന തിരമാലകള്ക്ക് സാധ്യതയുള്ളതിനാല്. മത്സ്യബന്ധനത്തിന് വിലക്ക് തുടരുകയാണ്.
അതേസമയം, യെല്ലോ അലേര്ട്ട് പ്രഖ്യാപിച്ചിരിക്കുന്ന വയനാട്ടില് മഴ തുടരുകയാണ്. നിലവില് ചൊവ്വാഴ്ച വരെ വയനാട്ടില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. അപകട മേഖലകളില് താമസിക്കുന്നവര് ജാഗ്രത പാലിക്കണമെന്ന് അധികൃതര് മുന്നറിയിപ്പ് നല്കി.
ആവശ്യമായ ഘട്ടത്തില് മാറി താമസിക്കണമെന്നും നിര്ദ്ദേശമുണ്ട്. അതേസമയം, മഴക്കെടുതിയില് കാര്യമായ നാശ നഷ്ടങ്ങള് ജില്ലയില് എവിടെയും ഇതുവരെ റിപ്പോര്ട്ട് ചെയ്തിട്ടില്ല. പിണങ്ങോട് റോഡ് പുഴയിലേക്ക് ഇടിഞ്ഞുവീണ മേഖലയില് ജാഗ്രത നിലനില്ക്കുന്നുണ്ട്.
Discussion about this post