കൊച്ചി:അയോധ്യ അനുകൂല പരാമര്ശത്തില് സൈബര് ആക്രമണം നേരിടുന്ന ഗായിക കെ.എസ് ചിത്രയെ പിന്തുണച്ച് പ്രതിപക്ഷ നേതാവ് വിഡി സതീശന്. അഭിപ്രായം പറയാനുള്ള സ്വാതന്ത്ര്യം എല്ലാവര്ക്കുമുണ്ടെന്ന് വിഡി സതീശന് പറഞ്ഞു.
അഭിപ്രായം പറഞ്ഞതിന്റെ പേരില് ആക്രമിക്കുന്നത് ഫാസിസമാണെന്നും അദ്ദേഹം കൂട്ടിച്ചേര്ത്തു. വാര്ത്താസമ്മേളനത്തിലാണ് പ്രതിപക്ഷ നേതാവിന്റെ പ്രതികരണം.
അയോധ്യ രാമക്ഷേത്ര പ്രതിഷ്ഠദിനത്തില് രാമമന്ത്രം ജപിക്കണമെന്നും വീടുകളില് വിളക്ക് തെളിയിക്കണമെന്നുമായിരുന്നു കെ.എസ്.ചിത്ര ആവശ്യപ്പെട്ടത്. ഈ വീഡിയോ വന് തോതില് സോഷ്യല് മീഡിയകളില് വൈറലായിരുന്നു. ഇതിന് പിന്നാലെയായിരുന്നു ചിത്രയ്ക്കെതിരെ സൈബര് ആക്രമം നടന്നത്.
ചിത്രയെന്ന വിഗ്രഹവും ഉടഞ്ഞെന്നും ചരിത്രം മനസിലാക്കാതെയാണ് ഗായിക സംസാരിക്കുന്നതെന്നായിരുന്നു വിമര്ശനങ്ങള്. അതേസമയം, ചിത്രയെ അനുകൂലിച്ചും നിരവധി പേര് രംഗത്തെത്തി.
Discussion about this post