തിരുവനന്തപുരം: തിരുവനന്തപുരത്ത് മദ്യപിക്കാന് പണം നല്കാത്തതിന് അമ്മയെ ക്രൂരമായി മര്ദ്ദിച്ച് കൊലപ്പെടുത്തിയ മകന് അറസ്റ്റില്. അവണാകുഴി പേരിങ്ങോട്ടുകോണം വരിക്കപ്ലവിള വീട്ടില് ബിജുവിനെയാണ് പോലീസ് അറസ്റ്റ് ചെയ്തത്. കഴിഞ്ഞ ഞായറാഴ്ചയാണ് സംഭവം.
അറുപത്തിയഞ്ചുകാരിയായ ലീലയാണ് കൊല്ലപ്പെട്ടത്. ബിജുവിന് ലീല മദ്യപിക്കാന് വേണ്ടി പണം നല്കാത്തതാണ് കൊലപാതകത്തിനു കാരണമെന്ന് പൊലീസ് പറഞ്ഞു. കരള് രോഗത്തിന് ചികിത്സയിലായിരുന്ന ലീലയെ ചവിട്ടിയും കമ്പ് കൊണ്ട് അടിച്ചും വകവരുത്തിയ ശേഷം തറയില്ക്കൂടി പ്രതി വലിച്ചിഴച്ചെന്നാണ് പൊലീസ് പറയുന്നത്.
ലീലയുടെ വാരിയെല്ലുകള് തകര്ന്നിരുന്നു. ചവിട്ടേറ്റ് ഉണ്ടായ ആന്തരീക രക്തസ്രാവവും, വീഴ്ചയില് തലക്കേറ്റ പരിക്കുമാണ് ലീലയുടെ മരണത്തിന് കാരണമെന്ന് പോസ്റ്റുമോര്ട്ടം റിപ്പോര്ട്ടില് വ്യക്തമാണ്. മൃതദേഹം വലിച്ചിഴച്ച് കിടപ്പുമുറിയിലേക്ക് കൊണ്ടുപോകാനുള്ള ശ്രമവും പ്രതി നടത്തിയിരുന്നു.
also read: വിജയശതമാനം 99.70, എസ്എസ്എല്സി പരീക്ഷാഫലം പ്രഖ്യാപിച്ചു, കൂടുതല് വിവരങ്ങള് അറിയാം
അമ്മ മരണപ്പെട്ടതായി ബിജു തന്നെയാണ് മറ്റു മക്കളെയും നാട്ടുകാരെയും വിവരമറിയിച്ചത്. സ്ഥലത്തെത്തിയ പോലിസ് അസ്വഭാവിക മരണത്തിനാണ് കേസെടുത്തതെങ്കിലും തുടര്ന്നുള്ള അന്വേഷണത്തില് കൊലപാതകമാണെന്ന് തെളിയുകയായിരുന്നു.
Discussion about this post