അഹാന കൃഷ്ണയെ പൃഥ്വിരാജ് നായകനായ ഭ്രമത്തില് നിന്ന് ഒഴിവാക്കിയത് തന്റെ ബിജെപി ബന്ധം കാരണമാണെന്ന നടന് കൃഷ്ണകുമാറിന്റെ ആരോപണം അടിസ്ഥാന രഹിതമെന്ന് നിര്മാണ കമ്പനിയായ ഓപ്പണ് ബുക്ക്. അഹാനയെ മാറ്റിയത് ആ കഥാപാത്രത്തിന് അനുയോജ്യയല്ലാത്തതിനാല് ആണെന്നും ചിത്രത്തില് രാഷ്ട്രീയമില്ലെന്നും നിര്മാതാക്കള് വ്യക്തമാക്കുന്നു.
ഇന്ന് ചില മാധ്യമങ്ങളില് അഹാനയെ സിനിമയില് നിന്ന് ഒഴിവാക്കിയത് രാഷ്ട്രീയ നിലപാടുകള് മുന്നിര്ത്തിയാണെന്ന വാര്ത്ത ഞങ്ങളുടെ ശ്രദ്ധയില്പ്പെട്ടു. ഈ വാര്ത്തയില് ഉദ്ദേശിച്ച ചിത്രം ഞങ്ങള് നിര്മ്മിച്ച ‘ഭ്രമം’ എന്ന സിനിമയാണെങ്കില് ആ ആരോപണത്തെ ഓപ്പണ് ബുക്ക് പ്രൊഡക്ഷന്സ് ശക്തമായി എതിര്ക്കുന്നുവെന്ന് പ്രസ്താവനയില് പറയുന്നു.
നിര്മ്മാതാക്കളുടെ പ്രസ്താവന ഇങ്ങനെ;
ബഹുമാന്യരെ, ഞങ്ങള് ഓപ്പണ് ബുക്ക് പ്രൊഡക്ഷന്സിന്റെ ബാനറില് നിര്മ്മിച്ച ‘ഭ്രമം’ എന്ന സിനിമയില് അഭിനേതാക്കളുടെ തിരഞ്ഞെടുപ്പിലോ ടെക്നിഷ്യന്മാരെ നിര്ണ്ണയിക്കുന്നതിലോ ഏതെങ്കിലും തരത്തിലുള്ള രാഷ്ട്രീയ പരിഗണനകള് ഇല്ല എന്ന് ആദ്യം തന്നെ ഓപ്പണ് ബുക്കിന്റെ സാരഥികള് എന്ന രീതിയില് ഞങ്ങള് വ്യക്തമാക്കുന്നു. ഇന്ന് ചില മാധ്യമങ്ങളില് അഹാനയെ സിനിമയില് നിന്ന് ഒഴിവാക്കിയത് രാഷ്ട്രീയ നിലപാടുകള് മുന്നിര്ത്തിയാണെന്ന വാര്ത്ത ഞങ്ങളുടെ ശ്രദ്ധയില്പ്പെട്ടു. ഈ വാര്ത്തയില് ഉദ്ദേശിച്ച ചിത്രം ഞങ്ങള് നിര്മ്മിച്ച ‘ഭ്രമം’ എന്ന സിനിമയാണെങ്കില് ആ ആരോപണത്തെ ഓപ്പണ് ബുക്ക് പ്രൊഡക്ഷന്സ് ശക്തമായി എതിര്ക്കുന്നു
ഒരു സിനിമയില് കഥാപാത്രത്തിന് അനിയോജ്യമായ അഭിനേതാക്കളെ തിരഞ്ഞെടുക്കുന്നത് ആ സിനിമയുടെ സംവിധായകനും, എഴുത്തുക്കാരനും, ക്യാമറമാനും, നിര്മ്മാതാക്കളും മാത്രമാണ്. അഹാനയെ ഞങ്ങള് പരിഗണിച്ചുവെന്നത് ശരിയാണ്, പക്ഷേ അന്തിമ തീരുമാനം ക്യാമറ ടെസ്റ്റിനും കോസ്റ്റ്യൂം ട്രയലിനും ശേഷം മാത്രമായിരിക്കും എന്നും ഞങ്ങള് അഹാനയെ അറിയിച്ചിരുന്നു. അതുവരെ ഈ സിനിമയില് പരിഗണിച്ച കാര്യം പുറത്തു പറയരുത് എന്നും നിര്മ്മാതാക്കള് എന്ന നിലയില് ഞങ്ങള് അവരെ അറിയിച്ചിരുന്നു. നിര്ഭാഗ്യവശാല് അഹാനയുടെ പേര് ചില മാധ്യമങ്ങളില് വരുകയും ചെയ്തു.
അഹാന മറ്റൊരു സിനിമയുടെ ജോലിയില് ആയിരുന്നതിനാല് ക്യാമറ ടെസ്റ്റിനും കോസ്റ്റ്യൂം ട്രയലും ആദ്യം നിശ്ചയിച്ച ഡേറ്റില് നടന്നില്ല; അഹാനയ്ക്ക് കോവിഡ്-19 ബാധിച്ചതിനാല് വീണ്ടും അത് വൈകുകയായിരുന്നു. അവര് രോഗമുക്ത ആയ ശേഷം 2021 ജനുവരി 10ന് ക്യാമറ ടെസ്റ്റും കോസ്റ്റ്യൂം ട്രയലും നടത്തി. കോസ്റ്റ്യൂം ട്രയലിന്റെ ചിത്രങ്ങള് കണ്ട ശേഷം സംവിധായകാനും എഴുത്തുകാരനും നിര്മ്മാതാക്കളും അഹാന ഈ കഥാപാത്രത്തതിനു അനുയോജ്യ അല്ല എന്ന നിഗമനത്തില് എത്തിയിരുന്നു. ഈ വിവരം അഹാനയെ വിളിച്ച് ഔദ്യോഗികമായി അറിയിക്കുകയും ക്ഷമാപണം നടത്തുകയും അടുത്ത പ്രോജക്ടില് ഒന്നിച്ച് പ്രവര്ത്തിക്കാം എന്ന് പറയുകയും ചെയ്തു.
Discussion about this post