സിഡ്നി: കൊറോണ വൈറസിനെതിരായ വാക്സിന് നിര്മ്മിക്കുമെന്ന് ഓസ്ട്രേലിയന് പ്രധാനമന്ത്രി സ്കോട്ട് മോറിസണ്. രാജ്യത്തെ മുഴുവന് ജനങ്ങള്ക്കും അത് സൗജന്യമായി നല്കുകയും ചെയ്യുമെന്ന് സ്കോട്ട് മോറിസണ് പറഞ്ഞു.
ഓക്സ്ഫോഡ് സര്വകശാലയുമായി ചേര്ന്ന് കൊറോണയ്ക്കെതിരായ വാക്സിന് നിര്മ്മിക്കുന്ന സ്വീഡിഷ്- ബ്രിട്ടീഷ് ഫാര്മസ്യൂട്ടിക്കല് കമ്പനിയായ ആസ്ട്രസെനാക്കയുമായി കൊവിഡ് വാക്സിന് ലഭ്യമാക്കാനുള്ള കരാറിലെത്തിയിട്ടുണ്ട്. ഈ വാക്സിന് വിജയകരമാണെന്ന് തെളിയിക്കപ്പെടുകയാണെങ്കില് അത് സ്വന്തമായി നിര്മ്മിക്കുമെന്നും മോറിസണ് പറഞ്ഞു.
അവ 25 ദലശക്ഷം ഓസ്ട്രേലിയക്കാര്ക്ക് സൗജന്യമായി നല്കുമെന്നും മോറിസണ് വ്യക്തമാക്കി. നിലവില് മൂന്നാംഘട്ട പരീക്ഷണത്തിലാണ് ഓക്സ്ഫോഡ് വാക്സിന്. ഈ വര്ഷം അവസാനത്തോടെ ഫലം പുറത്തെത്തുമാണ് പ്രതീക്ഷിക്കപ്പെടുന്നത്. ലോകത്ത് അഞ്ചു വാക്സിനുകളാണ് മൂന്നാം ഘട്ട പരീക്ഷണത്തിലുള്ളത്.
Discussion about this post