തിരുവനന്തപുരം: സംസ്ഥാനത്ത് ശക്തമായ മഴ പെയ്യുന്ന സാഹചര്യത്തില് നാല് ജില്ലകളിലെ വിദ്യാഭ്യാസ സ്ഥാനങ്ങള്ക്ക് ഇന്ന് ജില്ലാ കളക്ടര്മാര് അവധി പ്രഖ്യാപിച്ചു. കാസര്കോട്, കോഴിക്കോട്, കണ്ണൂര്, കോട്ടയം എന്നീ ജില്ലകളിലാണ് അവധി.
അതേസമയം, കാസര്കോട് ഒഴികെ ബാക്കിയെല്ലാ ജില്ലകളിലും അവധിയെന്ന തരത്തില് വ്യാജപ്രചാരണങ്ങളും ഒരു വര്ഷം പഴക്കമുള്ള വാര്ത്തകളും പ്രചരിച്ച സാഹചര്യത്തില് ജില്ലാ കളക്ടര്മാര് വിശദീകരണങ്ങളുമായി രംഗത്തെത്തി.
കാസര്കോട്
ജില്ലയില് കനത്ത മഴ തുടരുന്ന സാഹചര്യത്തില് കാസര്കോട് ജില്ലയിലെ പ്രൊഫഷണല് കോളേജുകള് ഉള്പ്പടെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് ഡോ. ഡി സജിത് ബാബു അവധി പ്രഖ്യാപിച്ചു. ഇന്ന് രാവിലെയാണ് അവധി പ്രഖ്യാപിച്ചത്.
കണ്ണൂര്
കാലവര്ഷം ശക്തമായി തുടരുകയും ദുരന്തനിവാരണ അതോറിറ്റി റെഡ് അലര്ട്ട് പ്രഖ്യാപിക്കുകയും ചെയ്ത സാഹചര്യത്തില് ജില്ലയിലെ പ്രഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജൂലൈ 22 ന് അവധിയായിരിക്കുമെന്ന് ജില്ലാ കലക്ടര് അറിയിച്ചു. സര്വ്വകലാശാല പരീക്ഷകള്ക്ക് മാറ്റമുണ്ടാകില്ല.
കോഴിക്കോട്
കനത്ത മഴയെ തുടര്ന്ന് ജൂലൈ 22 ന് കോഴിക്കോട് ജില്ലയിലെ കോളേജുകള്ക്കും പ്രൊഫഷണല് കോളജുകള്ക്കും കൂടി ജില്ലാ കളക്ടര് അവധി പ്രഖ്യാപിച്ചു. അങ്കണവാടികള്ക്കും കേന്ദ്രീയ വിദ്യാലയങ്ങള്ക്കും ഐസിഎസ്ഇ, സിബിഎസ്ഇ വിദ്യാലയങ്ങള്ക്കും അവധി ബാധകമാണ്.
കോട്ടയം
കോട്ടയം ജില്ലയില് കോട്ടയം നഗരസഭയിലെയും, ആര്പ്പൂക്കര, അയ്മനം, തിരുവാര്പ്പ്, കുമരകം പഞ്ചായത്തുകളിലെയും പ്രഫഷനല് വിദ്യാഭ്യാസ സ്ഥാപനങ്ങള് ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് 22ന് അവധി പ്രഖ്യാപിച്ചു.
Discussion about this post