തിരുവനന്തപുരം: പാന്മസാല പോലുള്ള നിരോധിത പദാര്ത്ഥങ്ങളുടെ ഉപയോഗം ശ്രദ്ധയില്പ്പെട്ടാല് പോലീസ് സ്റ്റേഷനില് വിവരം നല്കാന് അറിയിപ്പ്. കേരളാ പോലീസ് ഔദ്യോഗിക ഫേസ്ബുക്ക് പോസ്റ്റിലൂടെയാണ് മുന്നറിയിപ്പ് നല്കിയിരിക്കുന്നത്. ഇവയുടെ ഉപയോഗത്തിലൂടെ കാന്സര് പോലുള്ള അസുഖങ്ങള് ഉണ്ടാകും എന്നതിനാലാണ് ഇവ നിരോധിച്ചതെന്നും പോലീസ് കുറിപ്പില് പറയുന്നു.
നല്ലൊരു തലമുറയും ലഹരിവിമുക്ത സംസ്കാരവും ഉണ്ടാക്കിയെടുക്കേണ്ടത് നമ്മുടെ ഉത്തരവാദിത്വമായി കണ്ട് ഇത്തരത്തിലുള്ള കച്ചവടത്തില് നിന്നും ഉപയോഗത്തില് നിന്നും ഒഴിഞ്ഞു നില്ക്കുകയെന്ന് പോലീസ് കുറിച്ചു.
ഫേസ്ബുക്ക് പോസ്റ്റിന്റെ പൂര്ണ്ണരൂപം
‘കേരളത്തില് നിരോധിക്കപ്പെട്ട പാന് മസാലകള് പോലുള്ള ഉത്പന്നങ്ങള് രഹസ്യമായി കച്ചവടം ചെയ്യപ്പെടുന്നുണ്ടെന്നും, ചെറു പ്രായത്തിലുള്ള കുട്ടികള് വരെ ഇത്തരത്തിലുള്ള ലഹരി പദാര്ത്ഥങ്ങള് ഉപയോഗിച്ച് വരുന്നുണ്ടുവെന്നതും ശ്രദ്ധയില്പ്പെട്ടിട്ടുണ്ട്. മാരകമായ ക്യാന്സര്? പോലുള്ള അസുഖങ്ങള് ഇവയുടെ ഉപയോഗത്താല് ഉണ്ടാകാം എന്നതിനാലാണ് ഇവ നിരോധിച്ചിരിക്കുന്നതെന്നത് ഓര്ക്കുക.
നല്ലൊരു തലമുറയും ലഹരിവിമുക്ത സംസ്കാരവും ഉണ്ടാക്കിയെടുക്കേണ്ടത് നമ്മുടെ ഉത്തരവാദിത്വമായി കണ്ട് ഇത്തരത്തിലുള്ള കച്ചവടത്തില് നിന്നും ഉപയോഗത്തില് നിന്നും ഒഴിഞ്ഞു നില്ക്കുക. ഇത്തരത്തിലുള്ള നിരോധിത വസ്തുക്കളുടെ ഉപയോഗമോ കച്ചവടമോ ശ്രദ്ധയില്പെട്ടാല് അടുത്തുള്ള പോലീസ് സ്റ്റേഷനില് വിവരം നല്കുക.’
Discussion about this post