തൃശ്ശൂര്: ശബരിമല യുവതീപ്രവേശനവുമായി ബന്ധപ്പെട്ട് സമൂഹമാധ്യമങ്ങളിലൂടെ അക്രമത്തിന് ആഹ്വാനം ചെയ്ത് പോസ്റ്റിട്ടവര്ക്കെതിരെ പോലീസ് കേസ് എടുത്തു. 40 പേര്ക്കെതിരെയാണ് പോലീസ് കേസെടുത്തിരിക്കുന്നത്. ഹൈടെക്ക് സെല്ലിന്റെയും ജില്ലാ സൈബര് സെല്ലുകളുടെയും അന്വേഷണ റിപ്പോര്ട്ടിന്റെ അടിസ്ഥാനത്തിലാണു കേസ് എടുത്തിരിക്കുന്നത്. തിരുവനന്തപുരം റേഞ്ച് ഐജി മനോജ് ഏബ്രഹാമാണ് അന്വേഷണത്തിന് നേതൃത്വം നല്കുന്നത്.
അതിനിടെ ശബരിമലയില് ഏര്പ്പെടുത്തിയ നിരോധനാജ്ഞ നീട്ടണമെന്ന് ആവശ്യപ്പെട്ട് പോലീസ് കളക്ടര്ക്കു റിപ്പോര്ട്ട് നല്കി. ജനുവരി 14 വരെ നീട്ടണമെന്നാണ് പത്തനംതിട്ട ജില്ലാ പോലീസ് മേധാവി കലക്ടര്ക്കു റിപ്പോര്ട്ട് നല്കിയത്. എഡിഎമ്മിന്റെ റിപ്പോര്ട്ട് കൂടി പരിശോധിച്ചു കലക്ടര് ഇക്കാര്യത്തില് ഇന്ന് തീരുമാനമെടുക്കും. നിലവില് പ്രഖ്യാപിച്ചിരിക്കുന്ന നിരോധനാജ്ഞ ഇന്ന് അവസാനിക്കുന്ന സാഹചര്യത്തിലാണ് നിരോധനാജ്ഞ നീട്ടണമെന്ന് പോലീസ് ആവശ്യപ്പെട്ടിരിക്കുന്നത്.
Discussion about this post