ഇടുക്കി: വണ്ടിപ്പെരിയാര് പെണ്കുട്ടിയുടെ മാതാപിതാക്കള്ക്ക് സുരക്ഷ ഉറപ്പാക്കും ജില്ലാ പോലീസ് മേധാവി ടി കെ വിഷ്ണു പ്രദീപ്. കുടുംബാംഗങ്ങളുടെ സുരക്ഷയ്ക്കായി പോലീസ് ശക്തമായ നടപടികള് സ്വീകരിച്ചിട്ടുണ്ടെന്നും അദ്ദേഹം വ്യക്തമാക്കി. പകലും രാത്രിയും പെണ്കുട്ടിയുടെ വീടും പരിസരവും പോലീസ് നിരീക്ഷണത്തിലായിരിക്കും.
കുടുംബാംഗങ്ങളുടെ സുരക്ഷ ഉറപ്പുവരുത്തുന്നതിന് സ്ഥലത്ത് പോലീസ് പട്രോളിംഗ് ശക്തമാക്കും. ഇത് സംബന്ധിച്ച് വണ്ടിപെരിയാര് സ്റ്റേഷന് ഹൗസ് ഓഫീസര്ക്ക് നിര്ദേശം നല്കിയിട്ടുണ്ടെന്നും ജില്ലാ പോലീസ് മേധാവി വ്യക്തമാക്കി.
പോലീസ് സംരക്ഷണത്തിന്റെ ഭാഗമായി ഇരയുടെ അച്ഛനും അമ്മയ്ക്കും കുടുംബാംഗങ്ങള്ക്കും മുഴുവന് സമയ അംഗരക്ഷകരെന്ന നിലയില് പൊലീസുകാരെ നിയമിക്കുമെന്ന് ജില്ലാ പൊലീസ് മേധാവി അറിയിച്ചതായി ചില മാധ്യമങ്ങളില് വന്ന വാര്ത്ത അടിസ്ഥാനരഹിതമാണെന്നും ജില്ലാ പൊലീസ് മേധാവി പറഞ്ഞു.
Discussion about this post