രുവനന്തപുരം: മദ്യപിച്ച് വാഹനമോടിച്ച് മാധ്യമപ്രവര്ത്തകന് കെഎം ബഷീറിനെ കൊലപ്പെടുത്തിയ സംഭവത്തില് റിമാന്ഡിലുള്ള ശ്രീറാം വെങ്കിട്ടരാമനെ തിരുവനന്തപുരം മെഡിക്കല് കോളേജ് ആശുപത്രിയിലെ ട്രോമ ഐസിയുവില് നിന്നും വാര്ഡിലേക്ക് മാറ്റാന് തീരുമാനം. മെഡിക്കല് ബോര്ഡാണ് തീരുമാനം എടുത്തത്. ആരോഗ്യനില മെച്ചപ്പെട്ടെന്ന് വിലയിരുത്തിയാണ് വാര്ഡിലേക്ക് മാറ്റാന് തീരുമാനിച്ചതെന്നാണ് വിവരം.
കേസില് റിമാന്ഡിലായിട്ടും ശ്രീറാം വെങ്കിട്ടരാമന് സ്വകാര്യ ആശുപത്രിയില് തുടര്ന്നതും, വിവാദങ്ങള്ക്ക് ഒടുവില് പൂജപ്പുര ജയിലിലേക്ക് അയച്ച ശ്രീറാമിനെ വിവാദങ്ങള്ക്കൊടുവില് മെഡിക്കല് കോളേജ് ആശുപത്രിയിലേക്ക് മാറ്റിയിരുന്നു.
സര്ജിക്കല് ഐസിയുവില് പ്രവേശിപ്പിച്ച ശേഷമാണ് ശ്രീറാമിനെ വീണ്ടും ട്രോമാ ഐസിയുവില് പ്രവേശിപ്പിച്ചത്.
കേസില് ശ്രീറാം വെങ്കിട്ടരാമന് മജിസ്ട്രേറ്റ് കോടതി ജാമ്യം അനുവദിച്ചിരുന്നു. ഈ നടപടി ചോദ്യം ചെയ്ത് സര്ക്കാര് ഹൈക്കോടതിയെ സമീപിച്ചെങ്കിലും അടിയന്തരമായി ജാമ്യം റദ്ദാക്കാന് പറ്റില്ലെന്നായിരുന്നു ഹൈക്കോടതിയുടെ നിലപാട്.
Discussion about this post