കൊച്ചി: നടന്മാരായ പൃഥ്വിരാജിന്റെയും ദുല്ഖര് സല്മാന്റെയും വീടുകളില് കസ്റ്റംസ് റെയ്ഡ്. പൃഥ്വിരാജിന്റെ തേവരയിലുള്ള വീട്, ദുല്ഖര് സല്മാന്റെ പനമ്പിള്ളി നഗറിലുള്ള വീട് എന്നിവിടങ്ങളിലാണ് പരിശോധന. കസ്റ്റംസിന്റെ നേതൃത്വത്തില് രാജ്യവ്യാപകമായി നടത്തുന്ന ഓപ്പറേഷന് നുംഖോറിന്റെ ഭാഗമായാണ് നടപടി.
ഭൂട്ടാന് വഴി ആഡംബര കാറുകള് നികുതിവെട്ടിച്ച് ഇന്ത്യയില് എത്തിക്കുന്നെന്ന കണ്ടെത്തലിനെ തുടര്ന്നാണ് രാജ്യവ്യാപകമായി കസ്റ്റംസ് റെയ്ഡ് നടത്തുന്നത്. നടന്മാരുടെ വീടുകളിലടക്കം കേരളത്തില് മുപ്പതിടങ്ങളിലാണ് കസ്റ്റംസ് ഇന്ന് പരിശോധന നടത്തുന്നത്.
കേരളത്തില് തിരുവനന്തപുരം, എറണാകുളം, കോട്ടയം, കോഴിക്കോട്, മലപ്പുറം എന്നീ ജില്ലകളിലെ 30 കേന്ദ്രങ്ങളിലാണ് പരിശോധന. പൃഥ്വിരാജിന്റെ തിരുവനന്തപുരത്തെ വീട്ടില് കസ്റ്റംസ് സംഘം എത്തിയെങ്കിലും അവിടെ വാഹനങ്ങള് ഇല്ലാത്തതിനാല് പരിശോധന നടത്താതെ മടങ്ങിപ്പോകുകയായിരുന്നു.
Discussion about this post