മലയാളികള്ക്ക് ഏറെ സുപരിചിതയായ നടിയാണ് കനകലത. ഒരു കാലത്ത് മലയാള സിനിമയില് നിറഞ്ഞുനിന്നിരുന്നു താരം. വില്ലത്തിയായും ഹാസ്യനടിയായും സിനിമയില് സജീവസാന്നിധ്യം തന്നെയായിരുന്നു കനകലത.
ചില്ല്, കരിയിലക്കാറ്റുപോലെ, രാജാവിന്റെ മകന്, ജാഗ്രത, കിരീടം, എന്റെ സൂര്യപുത്രിക്ക്, കൗരവര്, അമ്മയാണെ സത്യം, ആദ്യത്തെ കണ്മണി, തച്ചോളി വര്ഗീസ് ചേകവര്, സ്ഫടികം, അനിയത്തിപ്രാവ്, ഹരികൃഷ്ണന്സ്, മാട്ടുപ്പെട്ടി മച്ചാന്, പ്രിയം, പഞ്ചവര്ണതത്ത, ആകാശഗംഗ 2… തുടങ്ങി മലയാളത്തിലും തമിഴിലുമായി 350-ലധികം സിനിമകളില് കനകലത അഭിനയിച്ചിട്ടുണ്ട്.
also read: പിഎഫ്ഐ വ്യാജ ചാപ്പകുത്തല് കേസ്; രണ്ട് പ്രതികള്ക്കും ജാമ്യം; രാജ്യദ്രോഹക്കുറ്റം ചുമത്താതെ പോലീസ്
ഏറെ നാളായി കനകലത സിനിമയില് നിന്നും വി്ട്ടുനില്ക്കുകയാണ്. നടിയുമായി ബന്ധപ്പെട്ട് ഏറെ വിഷമകരമായ ഒരു വാര്ത്തയാണ് ഇപ്പോള് പുറത്തുവരുന്നത്. ഓര്മ്മകള് നശിച്ച് തനിച്ച് ഭക്ഷണം കഴിക്കാനറിയാതെ, പ്രാഥമിക കാര്യങ്ങള് പോലും ഒറ്റയ്ക്ക് ചെയ്യാനാവാതെ കഴിയുകയാണ് താരം.
ചേച്ചി വിജയമ്മയാണ് ഇപ്പോള് കനകലതയെ സംരക്ഷിക്കുന്നത്. പാര്ക്കിന്സണ്സും ഡിമെന്ഷ്യയുമാണ് അവളെ തളര്ത്തിയതെന്നും 2021 ഡിസംബര് തൊട്ടാണ് ഓരോരോ ലക്ഷണങ്ങള് കണ്ടുതുടങ്ങിയതെന്നും അവളുടെ സ്വഭാവത്തിലെ മാറ്റങ്ങള് ശ്രദ്ധിച്ചുതുടങ്ങിയത് അപ്പോഴാണെന്നും വിജയമ്മ പറയുന്നു.
Discussion about this post