ധ്യാന്‍ ശ്രീനിവാസനും ഗോകുല്‍ സുരേഷും പ്രധാന കഥാപാത്രങ്ങളെ അവതരിപ്പിക്കുന്ന ‘സായാഹ്ന വാര്‍ത്തകള്‍’ എന്ന ചിത്രത്തിന്റെ ട്രെയിലര്‍ പുറത്തുവിട്ടു. ആക്ഷേപഹാസ്യ സ്വഭാവമുള്ള ചിത്രമാണെന്ന സൂചനയാണ് ട്രെയിലര്‍ നല്‍കുന്നത്. നേരത്തേ കേന്ദ്രസര്‍ക്കാര്‍ പദ്ധതികളെ ട്രോളുന്ന രീതിയിലുള്ള ചിത്രത്തിന്റെ ടീസര്‍ ഏറെ ശ്രദ്ധ നേടിയിരുന്നു. ട്രെയിലറിലും പ്രധാനമന്ത്രിയുടെ പുതിയ സ്‌കീമിനെപറ്റിയുള്ള സംഭാഷണങ്ങള്‍ ഉള്‍കൊള്ളിച്ചിട്ടുണ്ട്.
പുതുമുഖം ശരണ്യ ശര്‍മ്മയാണ് നായിക. അജു വര്‍ഗ്ഗീസ്, വിനയ് ഗോവിന്ദന്‍, മകരന്ദ് ദേശ് പാണ്ഡെ, ഇന്ദ്രന്‍സ്, ഇര്‍ഷാദ്, ആനന്ദ് മന്മഥന്‍ തുടങ്ങിയവരാണ് ചിത്രത്തിലെ മറ്റ് താരങ്ങള്‍.
നവാഗതനായ അരുണ്‍ ചന്തുവാണ് ചിത്രത്തിന്റെ സംവിധായകന്‍. ചിത്രത്തിന് തിരക്കഥ ഒരുക്കിയിരിക്കുന്നത് സംവിധായകന്‍ അരുണ്‍, സച്ചിന്‍ ആര്‍ ചന്ദ്രന്‍, രാഹുല്‍ മേനോന്‍ എന്നിവര്‍ ചേര്‍ന്നാണ്. ഡി14 എന്റര്‍ടെയ്ന്‍മെന്റ്‌സിന്റെ ബാനറില്‍ മഹ്ഫൂസ് എംഡി, ബിഷാരത്ത്, യാസര്‍, നൗഷാദ് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
