കാസര്കോട്: കാസര്കോട് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി ആയിരിക്കുമെന്ന് ജില്ലാ കളക്ടര് ഡോ.ഡി സജിത് ബാബു അറിയിച്ചു. ജില്ലയിലെ പ്രൊഫഷണല് കോളേജുകള് ഉള്പ്പടെ എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും. കനത്ത മഴ തുടരുന്ന സാഹചര്യത്തിലാണ് വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചത്.
കനത്ത മഴ പെയ്യാനുള്ള സാഹചര്യം നിലനില്ക്കുന്നതിനാല് കാസര്കോട് ജില്ലയില് നാളെ റെഡ് അലര്ട്ട് പ്രഖ്യാപിച്ചിരുന്നു. ഈ പശ്ചാത്തലത്തില് കൂടിയാണ് അവധി പ്രഖ്യാപിച്ചത്. അങ്കണവാടികള്ക്കും കേന്ദ്രീയ വിദ്യാലയങ്ങള്ക്കും ഉള്പ്പടെ അവധി ബാധകമാണ്.
അതിനിടെ ജില്ലയിലെ പല ഭാഗത്തും കനത്ത മഴ ഇപ്പോഴും തുടരുകയാണ്. താഴ്ന്ന പ്രദേശങ്ങളില് എല്ലാം വെള്ളം കയറിയിട്ടുണ്ട്. കാസര്കോട് ജില്ലയിലെ മലയോര മേഖലകളിലാണ് ശക്തമായ മഴ പെയ്യുന്നത്.
മധുര് മേഖലയില് നിന്ന് മാത്രം മുപ്പത് കുടുംബങ്ങളെ മാറ്റി പാര്പ്പിച്ചിട്ടുണ്ട്.
Discussion about this post