മലയാളികൾക്ക് സുപരിചിതനാണ് ബഷീർ ബഷി. ബിഗ് ബോസിലൂടെ എത്തി പിന്നീട് സോഷ്യൽമീഡിയയിലൂടെ തിളങ്ങിയ താരത്തിന് ആരാധകർ അനവധിയാണ്. മഷൂറ, സുഹാന എന്നിങ്ങനെ രണ്ട് ഭാര്യമാർ ഉള്ള ബഷീർ ബഷി തന്റെ കുടുംബ വിശേഷങ്ങൾ പങ്കിടാറുണ്ട്.
കഴിഞ്ഞ ദിവസമാണ് ബഷീറിന്റെ രണ്ടാം ഭാര്യ മഷൂറ ഒരു ആൺകുഞ്ഞിന് ജന്മം നൽകിയത്. ബഷീറിന്റെ ആദ്യ ഭാര്യ സുഹാനയാണ് കുഞ്ഞതിഥിയുടെ വരവ് ആരാധകരെ സോഷ്യൽമീഡിയയിലൂടെ അറിയിച്ചത്.
ഇപ്പോഴിതാ കുഞ്ഞതിഥിയുടെ ചിത്രവും പേരും പങ്കുവെയ്ക്കുകയാണ് മഷൂറ. ഇൻസ്റ്റഗ്രാമിലൂടെയാണ് മഷൂറ സന്തോഷം പങ്കിട്ടത്. മുഹമ്മദ് ഇബ്രാൻ ബഷീർ എന്നാണ് കുഞ്ഞിന് നൽകിയിരിക്കുന്ന പേര്. കുട്ടിയുടെ പേരിൽ ഔദ്യോഗിക ഇൻസ്റ്റഗ്രാം അക്കൌണ്ടും ദമ്പതികൾ ആരംഭിച്ചു. ആദ്യ ഭാര്യയായ സുഹാനയിൽ ബഷീറിന് രണ്ടു മക്കളുമുണ്ട്, സുനൈനയും മുഹമ്മദ് സൈഗവും ആണ് കുട്ടികളുടെ പേരുകൾ.
ഇൻസ്റ്റഗ്രാമിലൂടെയാണ് മഷൂറയെ ബഷീർ ബഷി പരിചയപ്പെടുന്നത്. പിന്നീട് പ്രണയത്തിലായി. ബഷീറിന്റെ ആദ്യ ഭാര്യയായ സുഹാനയുടെ സമ്മതത്തോടെ 2018ൽ ഇരുവരും വിവാഹിതർ ആകുക ആയിരുന്നു. തന്റെ ജീവിതത്തിൽ സുഹാനയ്ക്ക് വലിയ സ്ഥാനമാണ് നൽകുന്നതെന്നും പലപ്പോഴും ബഷീർ പറഞ്ഞിട്ടുണ്ട്.
Discussion about this post