ഹൈദരാബാദ്: മുന് ആന്ധ്ര മുഖ്യമന്ത്രിയും ടിഡിപി നേതാവുമായ ചന്ദ്രബാബുനായിഡു എട്ടുകോടിയോളം രൂപ മുടക്കി പണികഴിപ്പിച്ച കെട്ടിടം പൊളിച്ചുനീക്കാന് മുഖ്യമന്ത്രി വൈഎസ് ജഗന്മോഹന് റെഡ്ഡിയുടെ ഉത്തരവ്. ചന്ദ്രബാബുനായിഡുവിന്റെ വസതിയോട് ചേര്ന്ന് പണികഴിപ്പിച്ച പ്രജാവേദിക എന്ന കെട്ടിടം ഉടന്പൊളിച്ചുനീക്കണമെന്നാണ് ജഗന്മോഹന് റെഡ്ഡിയുടെ നിര്ദേശം.
അതേസമയം, മുഖ്യമന്ത്രിയായിരുന്ന സമയത്ത് ഉപയോഗിച്ചിരുന്ന പ്രജാവേദിക തനിക്ക് ഇത്തവണയും ഉപയോഗിക്കാന് അനുവദിച്ചുതരണമെന്ന് നായിഡു മുഖ്യമന്ത്രിയോട് ആവശ്യപ്പെട്ടിരുന്നു. പ്രതിപക്ഷനേതാവിന്റെ അനക്സ് ആയി പ്രജാവേദിക അനുവദിക്കണമെന്നും നിലവില് പ്രതിപക്ഷനേതാവായ അദ്ദേഹം അഭ്യര്ഥിച്ചിരുന്നു. എന്നാല് നായിഡുവിന്റെ അഭ്യര്ഥനയെല്ലാം ജഗന് തള്ളിക്കളയുകയായിരുന്നു.
എന്നാല് പ്രജാവേദികക്കെതിരായ നടപടി സ്വാഭാവിക നടപടി മാത്രമാണെന്നായിരുന്നു മുഖ്യമന്ത്രി ജഗന്മോഹന് റെഡ്ഡിയുടെ പ്രതികരണം. ഒരു സാധരണക്കാരന് അനുമതിയില്ലാതെ കെട്ടിടം നിര്മിച്ചാല് ഉദ്യോഗസ്ഥര് അത് പൊളിച്ചുനീക്കുന്നതാണ് പതിവ്. ഈ സര്ക്കാര് നിയമങ്ങളെ ബഹുമാനിക്കുന്നവരും അത് പിന്തുടരുന്നവരുമാണ്- ജഗന്മോഹന് റെഡ്ഡി പറഞ്ഞു.
Discussion about this post