കൊച്ചി: തെരഞ്ഞെടുപ്പില് മത്സരിക്കാനുള്ള നാമനിര്ദേശ പത്രിക തള്ളിയതിനെതിരെ സരിതാ എസ് നായര്
ഹൈക്കോടതിയില് നല്കിയ രണ്ട് ഹര്ജികളും തള്ളി. എന്തെങ്കിലും പരാതിയുണ്ടെങ്കില് ഇലക്ഷന് ഹര്ജിയാണ് നല്കേണ്ടിയിരുന്നതെന്ന് ഹൈക്കോടതി ചൂണ്ടിക്കാട്ടി. എന്നാല് ഇലക്ഷന് ഹര്ജി ഫയല് ചെയ്താല് ഈ തെരഞ്ഞെടുപ്പില് മത്സരിക്കാന് അവസരം ലഭിക്കില്ലെന്ന് സരിത കോടതിയില് വാദിച്ചു.
വിഷയത്തില് തെരഞ്ഞെടുപ്പ് കമ്മീഷന് കോടതിയില് പ്രാഥമിക തടസവാദം സമര്പ്പിച്ചു. സരിതയുടെ ഹര്ജികള് നിലനില്ക്കില്ലെന്ന് ചൂണ്ടിക്കാട്ടിയാണ് ഹൈക്കോടതി ഹര്ജികള് തള്ളിയത്. എന്നാല് ഹൈക്കോടതിയുടെ ഈ നടപടിക്കെതിരെ സുപ്രീം കോടതിയെ സമീപിക്കുമെന്ന് സരിതാ വ്യക്തമാക്കി.
സോളാര് ആരോപണവുമായി ബന്ധപ്പെട്ട് രണ്ട് കേസുകളില് സരിത ശിക്ഷിക്കപ്പെട്ടിരുന്നു. ഈ ശിക്ഷ റദ്ദാക്കിയിട്ടില്ലെന്ന് കാണിച്ചാണ് സരിതയുടെ നാമനിര്ദ്ദേശ പത്രിക കഴിഞ്ഞ ദിവസം തള്ളിയത്. ശിക്ഷ റദ്ദാക്കിക്കൊണ്ടുള്ള ഉത്തരവ് ഹാജരാക്കാന് സമയം അനുവദിച്ചെങ്കിലും ഉത്തരവ് ഹാജരാക്കാന് സരിതയ്ക്ക് കഴിഞ്ഞിരുന്നില്ല.
വയനാട് ലോക്സഭാ മണ്ഡലത്തിലും, എറണാകുളം ലോക്സഭാ മണ്ഡലത്തിലുമാണ് സരിത മത്സരിക്കുമെന്ന് പ്രഖ്യാപിച്ചത്.
Discussion about this post