കൊച്ചി: സുല്ത്താന് ബത്തേരി ഗവ. സര്വജന വൊക്കേഷണല് ഹയര് സെക്കന്ഡറി സ്കൂള് ക്ലാസ് മുറിയില് പാമ്പുകടിയേറ്റ് വിദ്യാര്ത്ഥിനി മരിച്ച സംഭവത്തില് പ്രതികള് നല്കിയ മുന്കൂര് ജാമ്യ ഹര്ജി ഹൈക്കോടതി ഇന്ന് പരിഗണിക്കും.
കേസിലെ ഒന്നാം പ്രതി അധ്യാപകരായ സിവി ഷജില്, മൂന്നാം പ്രതി വൈസ് പ്രിന്സിപ്പാള് കെകെ മോഹനന്, ബത്തേരി താലൂക്ക് ആശുപത്രിയിലെ ഡോക്ടര് ജിസ മെറിന് ജോയി എന്നിവരാണ് ഹര്ജി നല്കിയത്.
ഷഹലയുടെ മരണത്തില് അധ്യാപകര്ക്ക് കുറ്റകരമായ വീഴ്ച സംഭവിച്ചെന്നും ചികിത്സ വൈകിപ്പിച്ചതില് ഷജില് എന്ന അധ്യാപകന് പങ്കുണ്ടെന്നുമുള്ള പോലീസ് റിപ്പോര്ട്ടും കോടതി ഇന്ന് പരിഗണിക്കും. ഷഹലയുടെ മരണം പാമ്പ് കടിച്ചാണെന്ന് സ്ഥിരീകരിക്കാന് പോസ്റ്റ്മോര്ട്ടം നടത്തിയിട്ടില്ലെന്നും ചികിത്സ ഉറപ്പാക്കുന്നതില് ബോധപൂര്വ്വം വൈകിപ്പിക്കില് ഉണ്ടാക്കിയിട്ടില്ലെന്നുമാണ് പ്രതികളുടെ വാദം.