തൃശ്ശൂര്: സംസ്ഥാനത്ത് ഒരു മാസത്തിലധികമായി ഏര്പ്പെടുത്തിയ ട്രോളിങ് നിരോധനം ഇന്ന് അര്ധരാത്രിയോടെ അവസാനിക്കും. ഇതോടെ 52 ദിവസങ്ങല്ക്ക് ശേഷം മത്സ്യബന്ധന ബോട്ടുകള് കടലില് ഇറങ്ങും. ട്രോളിങ് നിരോധനം പിന്വലിച്ച സ്ഥിതിക്ക് ആദ്യദിനങ്ങളില് ചാകരയുണ്ടാകുമെന്ന പ്രതീക്ഷയിലാണ് മത്സ്യത്തൊഴിലാളികള്.
അതേസമയം ട്രോളിങ് സമയത്ത് പരമ്പരാഗത മത്സ്യത്തൊഴിലാളികള്ക്ക് വളരെ കുറച്ച് മത്സ്യം മാത്രം ലഭിച്ചത് ചെറിയൊരു ആശങ്കയുണ്ടാക്കിയിട്ടുണ്ട്. എന്നാലും നാളെ മുതല് ചാകര ലഭിക്കുമെന്ന ശുഭപ്രതീക്ഷയിലാണ് മത്സ്യത്തൊഴിലാളികള്.
ട്രോളിങ് സമയത്ത് സംസ്ഥാന സര്ക്കാര് മത്സ്യതൊഴിലാളികള്ക്ക് മുഴുവന് റേഷന് സാധനങ്ങളും സൗജന്യമായി അനുവദിച്ചതും മത്സ്യതൊഴിലാളി സമാശ്വാസപദ്ധതിയുടെ ഭാഗമായി ലഭിക്കുന്ന 4500 രൂപയുടെ സഹായവും തൊഴിലാളികള്ക്ക് ഏറെ ആശ്വാസമായിരുന്നു. ജൂണ് ഒമ്പതിന് ആരംഭിച്ച നിരോധനത്തെത്തുടര്ന്ന് വറുതിയിലായ മത്സ്യതൊഴിലാളി കുടുംബങ്ങള് നിരോധനം പിന്വലിച്ചതോടെ ഏറെ പ്രതീക്ഷയിലാണ്.