കോഴിക്കോട്: മീഡിയവണ്‍ ടിവി ക്യാമറ ചീഫ് താഹ അബ്ദുല്‍ റഹ്മാന്‍ (47) അന്തരിച്ചു. അന്ത്യം ഹ്യദയാഘാതത്തെ തുടര്‍ന്ന്. ജോലിക്കിടെ ഓഫീസില്‍ കുഴഞ്ഞുവീഴുകയായിരുന്നു.
കൊല്ലം സ്വദേശിയായ താഹ ഇന്ത്യാവിഷന്‍, റിപ്പോര്‍ട്ടര്‍ ടിവി, ടിവി ന്യൂ, ദര്‍ശന ടിവി തുടങ്ങിയ ചാനലുകളില്‍ പ്രവര്‍ത്തിച്ചിട്ടുണ്ട്. ഇന്ത്യാവിഷനില്‍ സിനിമയും ജീവിതവും എന്ന പേരില്‍ പരിപാടി അവതരിപ്പിച്ചിരുന്നു.
നിഷാനയാണ് താഹയുടെ ഭാര്യ. മുഹമ്മദ് ബയാന്‍ (പ്ലസ് വണ്‍ വിദ്യാര്‍ത്ഥി), ബര്‍സ താഹ (ഏഴാംക്ലാസ് വിദ്യാര്‍ത്ഥി)എന്നിവരാണ് മക്കള്‍. പിതാവ് അബ്ദുല്‍ റഹ്മാന്‍. മാതാവ് റാബിയ ഉമ്മ. ഖബറടക്കം ഇന്ന് കരുനാഗപ്പള്ളി തേവലക്കര ചാലിയത്ത് മുസ്ലിം ജമാഅത്ത് ഖബര്‍സ്ഥാനില്‍ നടക്കും.