തിരുവനന്തപുരം: സംസ്ഥാനത്ത് നാലിനം ക്ഷേമ പെന്ഷനുകള് ഉയര്ത്തി. വിശ്വകര്മ്മ, സര്ക്കസ്, അവശ കായികതാര, അവശ കലാകാര പെന്ഷന് തുകകളാണ് ഉയര്ത്തിയത്. ഈ നാല് പെന്ഷനുകളും 1600 രൂപയാക്കി ഉയര്ത്താന് തീരുമാനിച്ചതായി ധനമന്ത്രി കെ എന് ബാലഗോപാല് അറിയിച്ചു.
അവശ കലാകാര പെന്ഷന് നിലവില് 1000 രൂപയാണ്. അവശ കായികതാരങ്ങള്ക്ക് 1300 രൂപയും, സര്ക്കസ് കലാകാര്ക്ക് 1200 രുപയും, വിശ്വകര്മ്മ പെന്ഷന് 1400 രൂപയുമാണ് ലഭിച്ചിരുന്നത്.