മലപ്പുറം: മോഷണം നടത്തിയ ഇതരസംസ്ഥാനക്കാരിയായ യുവതിയെ പിടികൂടി അങ്കണവാടി അധ്യാപികമാർ. പിഞ്ചുകുഞ്ഞിന്റെ പാദസരം മോഷ്ടിച്ച യുവതിയെ പിന്തുടർന്നാണ് അധ്യാപികമാർ പിടികൂടിയത്. പ്രതി ഏഴ് മാസം ഗർഭിണിയുമാണ്.
വളാഞ്ചേരി ബസ്സ്റ്റാൻഡിൽ നിന്നുമാണ് മോഷണം പോയത്. െകാട്ടാരം സ്വദേശികളുടെ കൂടെ ഉണ്ടായിരുന്ന കുഞ്ഞിന്റെ കാലിലെ സ്വർണ പാദസരമാണ് യുവതി കവർന്നത്. സംഭവത്തിൽ ചെന്നൈ സ്വദേശിനി തൃഷ എന്ന സന്ധ്യ (22) യാണ് പിടിയിലായത്.
മോഷ്ടിച്ച പാദസരവുമായി ഓട്ടോയിൽ കയറി രക്ഷപ്പെടാൻ ശ്രമിക്കുന്നതിനിടെയാണ് ഇവർക്ക് പിടി വീണത്. മോഷണം ശ്രദ്ധയിൽപ്പെട്ട രണ്ട് അങ്കണവാടി അധ്യാപികമാരുടെ അവസരോചിതമായ ഇടപെടലിനെ തുടർന്നാണ് മോഷ്ടാവിനെ പിടികൂടിയത്. മോഷണം ശ്രദ്ധയിൽപ്പെട്ട അധ്യാപികമാർ ഇവരെ പിന്തുടർന്ന് പിടികൂടി പോലീസിൽ ഏൽപ്പിക്കുകയായിരുന്നു.