സോഷ്യൽമീഡിയയിൽ സജീവമായ നടിയും നർത്തകിയുമായ ഉത്തര ഉണ്ണി പുതിയ വിശേഷം പങ്കിട്ടിരിക്കുകയാണ്. തന്റെ ജീവിതത്തിലെ ഏറ്റവും സന്തോഷകരമായ വിശേഷമാണ് ഉത്തര പങ്കുവെച്ചിരിക്കുന്നത്. ഉത്തരയ്ക്കും ഭർത്താവ് നിതേഷിനും പെൺകുഞ്ഞ് ജനിച്ചിരിക്കുകയാണ്.
കുഞ്ഞിന് ധീമഹീ നിതേഷ് നായർ എന്നാണ് പേരിട്ടിരിക്കുന്നത്. വിശേഷം പങ്കിട്ടുകൊണ്ട്, ‘ദൈവത്തിന്റെ കൃപയാൽ തങ്ങൾക്ക് ഒരു പെൺകുഞ്ഞ് ജനിച്ചുവെന്ന് ഉത്തര ഇൻസ്റ്റാഗ്രാമിൽ കുറിച്ചു. കുഞ്ഞിന്റെ പേരായ ധീമഹീ എന്നതിന്റെ അർഥം ജ്ഞാനിയും ബുദ്ധിമതിയും എന്നാണെന്നും ഉത്തര പറയുന്നു.
കൂടാതെ, തങ്ങൾക്ക് വേണ്ടി പ്രാർഥിച്ചവർക്കും ആശംസകൾ അറിയിച്ചവർക്കും ഉത്തര നന്ദിയും അറിയിച്ചു. നിരവധിയാളുകളാണ് ചിത്രത്തിന് കമെന്റുമായി എത്തുിയത്. 2021-ലാണ് ഉത്തര ഉണ്ണിയും നിതേഷും വിവാഹിതരായത്.
also read- രാഹുലിന് രാഷ്ട്രീയ ശുദ്ധി വേണം; സവർക്കറുടെ ചെറുമകന്റെ കേസടക്കം 10 ക്രിമിനൽ കേസുകൾ നിലവിലുണ്ട്; തടവ് ശിക്ഷ സ്റ്റേ ചെയ്യാത്തത് അനീതിയല്ല: ഗുജറാത്ത് ഹൈക്കോടതി
നടി ഊർമിള ഉണ്ണിയുടെ മകളായ ഉത്തര. ലെനിൻ രാജേന്ദ്രൻ സംവിധാനം ചെയ്ത ഇടവപ്പാതി എന്ന ചിത്രത്തിലൂടെയാണ് സിനിമയിൽ അരങ്ങേറിയത്.