ഭാര്യയുമായി എല്ലാ ബന്ധങ്ങളും അവസാനിക്കുന്നു; വിവാഹമോചന വാർത്ത പങ്കുവെച്ച് വിനായകൻ

മലയാള സിനിമാ താരം വിനായകൻ വിവാഹ മോചിതനായി. താരം തന്നെയാണ് ഭാര്യയുമായി വേർപിരിയുന്നുവെന്ന് അറിയിച്ചുകൊണ്ട് സോഷ്യൽമീഡിയയിലൂടെ രംഗത്തെത്തിയത്.

ഫേസ്ബുക്കിൽ പങ്കുവച്ച വീഡിയോയിലൂടെയാണ് വിനായകൻ ഇക്കാര്യം സ്ഥിരീകരിച്ചത്. ഇതോടെ ഭാര്യയുമായുള്ള എല്ലാ ബന്ധങ്ങളും അവസാനിക്കുന്നുവെന്ന് വിനായകൻ പറഞ്ഞു. ‘

‘ഞാൻ മലയാളം സിനിമ ആക്ടർ വിനായകൻ. ഞാനും എന്റെ ഭാര്യയുമായിട്ടുള്ള, എല്ലാ ഭാര്യഭർതൃ ബന്ധങ്ങളും നിയമപരമായിട്ടുള്ള എല്ലാ ബന്ധങ്ങളും ഈ ഒരു നിമിഷം കൊണ്ട് ഇല്ലാതാകുന്നു. എല്ലാവർക്കും നന്ദി’, -എന്നാണ് വിനായകൻ വീഡിയോയിൽ പറയുന്നത്.

തമിഴ് ചിത്രത്തിലാണ് വിനായകൻ ഇപ്പോൾ അഭിനയിച്ചുകൊണ്ടിരിക്കുന്നത്. രജനികാന്ത് നായകനായി എത്തുന്ന ജയിലറാണ് വിനായകൻ ഇപ്പോൾ അഭിനയിച്ചു കൊണ്ടിരിക്കുന്ന ചിത്രം. ചിത്രത്തിൽ ശക്തമായ കഥാപാത്രമായാണ് വിനായകൻ എത്തുന്നത്. മോഹൻലാൽ ചിത്രത്തിൽ അതിഥി താരമായി എത്തുന്നുണ്ട്.