കുഞ്ഞുകുഞ്ഞു ടിക് ടോക്ക് വീഡിയോയിലൂടെയും സാരോപദേശ വീഡിയോകളിലൂടെയും ടിക് ടോക്ക് പ്രേമികളുടെ ഹൃദയം കീഴടക്കിയ അമ്മാമ്മയും കൊച്ചുമോനും വീണ്ടും വീഡിയോയുമായി രംഗത്തെത്തിയിരിക്കുകയാണ്. സോഷ്യൽ ലോകത്തെ ഈ രണ്ടു താരങ്ങളും വീണ്ടും ഒരുമിച്ചിരിക്കുന്നത് ഒരു കല്ല്യാണ വീഡിയോയിലാണ്. ഈ വീഡിയോ മറ്റാരുടേയതുമല്ല, ആരാധകരുടെ പ്രിയപ്പെട്ട ജിൻസൺ എന്ന അമ്മാമ്മയുടെ സ്വന്തം കൊച്ചുമോന്റേത് തന്നെ.
നന്മയും നർമ്മവും ചേരുന്ന വീഡിയോയിലൂടെ സോഷ്യൽലോകത്ത് വൈറലായ ജിൻസണും 85കാരി മേരി ജോസഫുമാണ് ഈ അമ്മാമ്മയും പേരക്കുട്ടിയും.
ജിൻസന്റെ വിവാഹ വീഡിയോയിലും മിന്നിത്തിളങ്ങുന്നത് അമ്മാമ്മ തന്നെയാണ്. റോസ്മിയെ ജീവിതസഖിയായി ജിൻസൻ കൂടെ നിർത്തുമ്പോൾ ആഘോഷത്തോടെ അമ്മാമ്മയും കൂടെയുണ്ട്. എതായാലും ഇരുവരുടേയും ടിക് ടോക്ക് പ്രകടനങ്ങളെപ്പോലെ തന്നെ അമ്മാമ്മയുടെ കൊച്ചുമോന്റെ വിവാഹ വീഡിയോയും സോഷ്യൽ മീഡിയ ആഘോഷമാക്കിയിരിക്കുകയാണ്.
