തിരുവനന്തപുരം; സംസ്ഥാനത്ത് രണ്ട് ദിവസത്തിനുള്ളില് കാലവര്ഷം ശക്തമായേക്കും. അറബിക്കടലില് രൂപം കൊണ്ട ന്യൂനമര്ദ്ദം നാളെയോടെ ചുഴലിക്കാറ്റായി മാറും. അതിനാല് മത്സ്യത്തൊഴിലാളികള് കടലില് പോകരുതെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ആഴക്കടലില് മത്സ്യബന്ധനത്തിലേര്പ്പെടുന്നവര് എത്രയും പെട്ടെന്ന് ഏറ്റവും അടുത്തുള്ള തീരത്ത് തിരിച്ചെത്തണമെന്ന് കര്ശന നിര്ദേശവും പുറപ്പെടുവിച്ചിട്ടുണ്ട്.
അറബിക്കടലില് രൂപം കൊണ്ട ന്യൂന മര്ദ്ദം ഇന്ന് പുലര്ച്ചെ തീവ്ര ന്യൂനമര്ദ്ദമായി മാറിയിട്ടുണ്ട്. ഇത് ഗുജറാത്ത് തീരം ലഷ്യമാക്കി നീങ്ങും. നാളയോടെ ഇത് ചുഴലിക്കാറ്റായി മാറും എന്നാണ് അറിയിപ്പ്. തീരം തൊടാനുള്ള സാധ്യത കുറവാണ്. കേരള തീരത്ത് 40 മുതല് 55 കി.മി വരെ വേഗതയില് കാറ്റ് വീശാന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതനെന്നും കാലാവസ്ഥ നിരീക്ഷണ കേന്ദ്രം അറിയിച്ചു.
ഇന്നലെ കാലവര്ഷം തുടങ്ങിതിന് ശേഷം കോഴിക്കോട്, കണ്ണൂര്, കാസര്കോട് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. ബുധനാഴ്ചയോടെ മഴ ശക്തമാകുമെന്നാണ് കാലാവസ്ഥ നിരീക്ഷണകേന്ദ്രത്തിന്റെ വിലയിരുത്തല്.