വയനാട്: രണ്ടാം ഭാര്യയിലുണ്ടായ മകളെ ദിവസങ്ങളോളം പീഡിപ്പിച്ച പിതാവിനെ പോലീസ് അറസ്റ്റ് ചെയ്തു. ഇയാള്‍ക്കെതിരെ പോക്‌സോ ചുമത്തി. പതിനഞ്ചു വയസുകാരിയായ പെണ്‍കുട്ടിയെ 2017-18 കാലയളവില്‍ പല ദിവസങ്ങളില്‍ ഇയാള്‍ പീഡനത്തിനിരയാക്കിയിരുന്നു.
ചൈല്‍ഡ് ലൈന്‍ വഴിയാണ് പൊലീസ് വിവരം അറിയുന്നത്. തുടര്‍ന്ന് പോലീസ് അറസ്റ്റ് ചെയ്യുകയായിരുന്നു. കല്‍പറ്റ പോക്‌സോ കോടതിയില്‍ ഹാജരാക്കിയ ഇയാളെ റിമാന്റ് ചെയ്തു. വീട്ടില്‍ വേറെയാരുമില്ലാതിരുന്ന സമയത്ത് ഇയാള്‍ പെണ്‍കുട്ടിയെ ലൈംഗികമായി പീഡിപ്പിച്ചുവെന്നാണ് പരാതി.
എന്നാല്‍ പേടി കാരണം പെണ്‍കുട്ടി പീഡനവിവരം പുറത്തു പറഞ്ഞില്ല. കഴിഞ്ഞ ദിവസം അധ്യാപികയോട് കാര്യങ്ങള്‍ പറയുകയായിരുന്നു. ശേഷം സ്‌കൂള്‍ അധികൃതര്‍ ചൈല്‍ഡ് ലൈന്‍ പ്രവര്‍ത്തകരെ അറിയിക്കുകയായിരുന്നു. അവര്‍ പോലീസിനെയും സമീപിച്ചു.
പോലീസ് പെണ്‍കുട്ടിയുടെ വിശദമായ മൊഴിയെടുത്തു. പെണ്‍കുട്ടി ഇപ്പോള്‍ ചൈല്‍ഡ് ലൈന്‍ പ്രവര്‍ത്തകരുടെ സംരക്ഷണയിലാണ്. പ്രതിക്ക് ആദ്യ വിവാഹത്തില്‍ കുട്ടികളുണ്ട്.