കൊച്ചി: നടിയുടെ ആവശ്യം ഹൈക്കോടതി അംഗീകരിച്ചു. നടിയെ ആക്രമിച്ച കേസ് ഇനി വനിതാ ജഡ്ജി പരിഗണിക്കും. എന്നാല് നടിയുടെ ആവശ്യം അംഗീകരിക്കരുത് എന്നാവശ്യപ്പെട്ട് ദിലീപ് ഹൈക്കോടതിയില് ഉന്നയിച്ച വാദങ്ങള് ഹൈക്കോടതി തള്ളി.മാത്രമല്ല നടി സമീപിച്ചത് നിയമപരമായ അവകാരങ്ങള് ആവശ്യപ്പെട്ട് മാത്രമെന്ന് ഹൈക്കോടതി വ്യക്തമാക്കി. അതിന് നിയമം അനുവദിക്കുന്നുണ്ട്. വനിതാ ജഡ്ജി വേണമെന്ന ആവശ്യം ന്യായം മാത്രമെന്നും ഹൈക്കോടതി നിരീക്ഷിച്ചു.
എറണാകുളം സിബിഐ കോടതി (3) – ല് വനിതാ ജഡ്ജിയായ ഹണി വര്ഗീസാകും ഇനി കേസ് കേള്ക്കുക. വിചാരണാ നടപടികള് എത്രയും പെട്ടെന്ന് പൂര്ത്തിയാക്കണമെന്നും ഹൈക്കോടതി നിര്ദേശിച്ചിട്ടുണ്ട്.
പ്രത്യേക കോടതി വേണമെന്നും വനിതാ ജഡ്ജി വേണമെന്നുമുള്ള നടിയുടെ ആവശ്യത്തിനെതിരെ ദിലീപ് ഉന്നയിച്ച വാദഗതികള് ഹൈക്കോടതി തള്ളി. നടിക്ക് മാത്രമായി എന്തിന് പ്രത്യേക പരിഗണന നല്കണമെന്നാണ് ദിലീപ് ചോദിച്ചത്.