കാസര്കോട്; കാസര്കോട് ജില്ലയോട് ചേര്ന്നുള്ള പ്രദേശങ്ങളിലും കുരങ്ങ് പനി സ്ഥിരീകരിച്ചു. കുരങ്ങ് പനിക്ക് കാരണമായ വൈറസുകള് പടര്ത്തുന്ന ചെള്ളുകള് കാസര്കോട് ജില്ലയിലും വ്യാപിക്കുന്നതായാണ് കണ്ടെത്തല്. മണിപ്പാല് വൈറോളജി ഇന്സ്റ്റിറ്റ്യൂട്ട് നടത്തിയ പഠനത്തിലാണ് ചെള്ളുകള് കണ്ടെത്തിയത്.
കര്ണാടകയില് വിവിധ ഇടങ്ങളിലായി കുരങ്ങ് പനി ബാധിച്ച് മരണം റിപ്പോര്ട്ട് ചെയ്തിരുന്നു. നിരവധി കുരങ്ങുകളാണ് അതിര്ത്തി ഗ്രാമങ്ങളില് പനി ബാധിച്ച് ചത്തത്. ഇതോടെയാണ് ആരോഗ്യ വകുപ്പ് ഉദ്യോഗസ്ഥര് മണിപ്പാല് വൈറോളജി ഇന്സ്റ്റിട്യൂട്ടിനെ സമീപിക്കുന്നത്.
പ്രാഥമിക പരിശോധനയിലാണ് ചെള്ളുകളെ കണ്ടെത്തിയത്. കുരങ്ങുകള്ക്ക് പുറമേ അണ്ണാനിലൂടെയും ചിലയിനം പക്ഷികളിലൂടെയും വൈറസ് പടരാറുണ്ട്. ഇതിനോടകം തന്നെ ജില്ലയില് ആരോഗ്യ വകുപ്പ് പ്രവര്ത്തകര് പ്രതിരോധ പ്രവര്ത്തനങ്ങളും ബോധവത്കരണവും തുടങ്ങി.