തിരുവനന്തപുരം: പീഡന പരാതി ഉന്നയിച്ച് പ്രമുഖ മുസ്ലിം മതപ്രഭാഷകനെ പള്ളിയില് നിന്നും സംഘടനയില് നിന്നും പുറത്താക്കി. പോപ്പുലര് ഫ്രണ്ട് അനുകൂല സംഘടനയായ കേരള ഇമാംസ് കൗണ്സില് ഭാരവാഹിയും പ്രമുഖ പ്രഭാഷകനും ഇപ്പോള് തിരുവനന്തപുരം ജില്ലയിലെ ഒരു മുസ്ലിം പള്ളിയിലെ ചീഫ് ഇമാമുമായ ഷഫീഖ് അല് ഖാസിമിയെയാണ് പുറത്താക്കിയത്.
രണ്ട് ദിവസം മുമ്പ് ഇയാള് പെണ്കുട്ടിയെ വനത്തില് കൊണ്ടുപോയി പീഡിപ്പിക്കാന് ശ്രമിച്ചെന്നാണ് ആരോപണം. സ്കൂള് വിദ്യാര്ത്ഥിനി ആയ പെണ്തകുട്ടിയെ കാറില് കയറ്റി വനമേഖലയിലേയ്ക്ക് കൊണ്ടു പോകുകയായിരുന്നു. ഇവിടെ സംശയാസ്പദമായ സാഹചര്യത്തില് കാര് കണ്ടതിനെ തുടര്ന്ന് തൊഴിലാളി സ്ത്രീകള് വാഹനം തടഞ്ഞുവച്ചുവെങ്കിലും ഇയാള് വിദ്യാര്ത്ഥിയുമായി കടന്നുകളഞ്ഞു.
തുടര്ന്ന് യുവതികള് വിവരം പള്ളിക്കാരെ അറിയിച്ചു.ഇവര് നടത്തിയ പ്രാഥമിക അന്വേഷണത്തെ തുടര്ന്നാണ് പുറത്താക്കല് നടപടി. നേരത്തേ ആറ്റിങ്ങലിന് സമീപമുള്ള പ്രമുഖ പള്ളി ഉള്പ്പെടെയുള്ള പള്ളികളില് ഇയാള് ചീഫ് ഇമാമായി പ്രവര്ത്തിച്ചിട്ടുണ്ട്.