കൊച്ചി: പ്രധാനമന്ത്രി നരേന്ദ്രമോഡി ഇന്ന് കേരളത്തില്. കൊച്ചി നാവിക സേന വിമാനത്താവളത്തില് ഉച്ചയ്ക്ക് രണ്ട് മണിയ്ക്ക് മോഡി വിമാനമിറങ്ങും. കൊച്ചിയിലും തൃശ്ശൂരിലുമായി രണ്ടു ചടങ്ങുകളില് അദ്ദേഹം പങ്കെടുക്കും.
രണ്ടാഴ്ചയുടെ ഇടവേളയില് ഇത് രണ്ടാം തവണയാണ് പ്രധാനമന്ത്രി കേരളത്തില് എത്തുന്നത്. ഉച്ചയ്ക്ക് കൊച്ചി നാവികസേനാ ആസ്ഥാനത്തെ വിമാനത്താവളത്തിലെത്തുന്ന പ്രധാനമന്ത്രി തുടര്ന്ന് കൊച്ചിന് റിഫൈനറിയിലെ പരിപാടിയില് പങ്കെടുക്കും.
ഉച്ചയ്ക്ക് 2.30ന് കൊച്ചിന് റിഫൈനറി വികസന പദ്ധതി ഉദ്ഘാടനം ചെയ്യും. ഇതടക്കം 3 ഉദ്ഘാടന ചടങ്ങുകളാണ് പ്രധാനമന്ത്രിക്കായി ക്രമീകരിച്ചിട്ടുള്ളത്. വൈകീട്ട് മൂന്നരയോടെ തൃശ്ശൂരിലേക്ക് പോകുന്ന പ്രധാനമന്ത്രി തേക്കിന്കാട് മൈതാനത്തെ യുവമോര്ച്ച പരിപാടിയില് പങ്കെടുക്കും.
തെരഞ്ഞെടുപ്പിന് ഒരുങ്ങുന്ന കേരളത്തിലെ പാര്ട്ടി പരിപാടി എന്ന നിലയിലാണ് ഈ ചടങ്ങ് നിശ്ചയിച്ചിട്ടുള്ളത്. വൈകിട്ട് ആറുമണിയോടെ തൃശ്ശൂരില് നിന്ന് കൊച്ചിയിലേക്ക് മടങ്ങുന്ന പ്രധാനമന്ത്രി ഡല്ഹിലേക്ക് മടങ്ങും. ഇത്തവണത്തെ ലോക്സഭാ തിരഞ്ഞെടുപ്പില് കേരളത്തില് മികച്ച നേട്ടമുണ്ടാക്കാന് സാധിക്കുമെന്ന പ്രതീക്ഷയിലാണ് ബിജെപി നേതൃത്വം