പാലക്കാട്: കുട്ടികളെ കടിക്കാനായി പുറകെ ഓടി തെരുവുനായ്ക്കൾ. പാലക്കാട് ജില്ലയിലെ മണ്ണാർക്കാട് തച്ചമ്പാറ ചൂരിയോടാണ് സംഭവം. കുട്ടികൾ പുഴയിൽ കുളിച്ച ശേഷം വീട്ടിലേക്ക് മടങ്ങുന്നതിനിടെയാണ് നായ്ക്കൾ പുറകെ ഓടിയത്.
ഇന്നലെ വൈകിട്ടാണ് സംഭവം. കുട്ടികൾ സമീപത്തെ പുഴയിൽ പോയി മടങ്ങി വരികയായിരുന്നു. ആക്രമിക്കാനെത്തിയ നായ്ക്കളെകണ്ട് കുട്ടികൾ നിലവിളിച്ചോടി.
നാട്ടുകാരെത്തിയാണ് നായയെ ഓടിച്ചുവിട്ടത്. പ്രദേശത്ത് വീടുകളുണ്ട്. സംഭവം നടക്കുന്നത്. നായക്കൂട്ടം ഓടിയെത്തിയപ്പോൾ മറ്റൊരു വീടിന്റെ ഗേറ്റ് തുറന്ന് കയറിയതിനെ തുടർന്നാണ് കുട്ടികൾ കടിയേൽക്കാതെ രക്ഷപ്പെട്ടത്.