കൊച്ചി: റെയില്വേ പാളത്തില് ആട്ടുകല്ല് കണ്ടെത്തി. കൊച്ചിയില് പച്ചാളം പാലത്തിന് സമീപത്താണ് സംഭവം. ട്രെയിന് അട്ടിമറി ശ്രമമെന്നാണ് സംശയം.
വിവരമറിഞ്ഞ് റെയില്വേ പൊലീസും ഡോഗ് സ്ക്വാഡും സ്ഥലത്തെത്തി. മൈസൂരു- കൊച്ചുവേളി എക്സ്പ്രസിലെ ലോക്കോ പൈലറ്റാണ് പാളത്തില് ആട്ടുകല്ല് കിടക്കുന്ന വിവരം റെയില്വേ പൊലീസിനെ അറിയിച്ചത്.
റെയില്വെ ട്രാക്കിന്റെ നടുഭാഗത്താണ് ആട്ടുകല്ല് വെച്ചിരുന്നത്. ആരാണ് ആട്ടുകല്ല് പാളത്തിന് സമീപം കൊണ്ടുവെച്ചതെന്ന് വ്യക്തതയില്ല. റെയില്വേ പൊലീസും ഡോഗ് സ്ക്വാഡും സ്ഥലത്തെത്തി പരിശോധന ആരംഭിച്ചു.