കണ്ണൂര്: പാനൂര് പാലത്തായി പീഡനക്കേസിലെ പ്രതി ബിജെപി നേതാവ് കെ പത്മരാജന് ജീവപര്യന്തം തടവും പിഴയും ശിക്ഷ വിധിച്ച് കോടതി. കേസില് പ്രതി കുറ്റക്കാരനാണെന്ന കോടതി കണ്ടെത്തിയിരുന്നു.
പിഴ അടച്ചില്ലെങ്കില് ഒരു വര്ഷം കൂടുതല് തടവ് ശിക്ഷ അനുവദിക്കണം. തലശേരി അതിവേഗ പോക്സോ കോടതി ജഡ്ജി എംടി ജലജ റാണിയാണ് ശിക്ഷ വിധിച്ചത്. അതേസമയം, ഏറെ സന്തോഷകരമായ വിധിയാണ് കോടതിയുടെ ഭാഗത്തുനിന്നുണ്ടായതെന്ന് പബ്ലിക് പോസിക്യൂട്ടര് ഭാസുരി മാധ്യമങ്ങളോട് പറഞ്ഞു.
നാലാംക്ലാസുകാരിയെ പീഡിപ്പിച്ചുവെന്നാണ് കേസ്. 2020 ജനുവരിയിലും ഫെബ്രുവരിയിലും മൂന്ന് തവണ പത്മരാജന് പെണ്കുട്ടിയെ ശുചിമുറിയില് കൊണ്ടുപോയി ലൈംഗികമായി പീഡിപ്പിച്ചെന്നായിരുന്നു പരാതി. കുട്ടി സ്കൂളിലെ ശുചിമുറിയില് നിന്നും പീഡനത്തിനിരയായ വിവരം ചൈല്ഡ് ലൈനിനാണ് ആദ്യം ലഭിച്ചത്.
കുട്ടിയുടെ ഉമ്മ നല്കിയ പരാതിയില് പാനൂര് പൊലീസ് 2020 മാര്ച്ച് 17 നാണ് കേസെടുത്തത്. പൊയിലൂര് വിളക്കോട്ടൂരിലെ ഒളിയിടത്തില്നിന്ന് ഏപ്രില് 15ന് പ്രതിയെ അറസ്റ്റുചെയ്തു.ബിജെപി തൃപ്രങ്ങോട്ടൂര് പഞ്ചായത്ത് പ്രസിഡന്റായിരുന്നു പത്മരാജന്