തിരുവനന്തപുരം:ഒക്ടോബര് ആറാം തീയതി, ടിക്കറ്റ് വരുമാനത്തില് രണ്ടാമത്തെ ഉയര്ന്ന പ്രതിദിന കളക്ഷന് നേടി കെഎസ്ആര്ടിസി. 9.41 കോടിയാണ് രണ്ടാമത്തെ ഉയര്ന്ന കളക്ഷനായി നേടിയതെന്ന് മന്ത്രി കെബി ഗണേഷ് കുമാര് പറഞ്ഞു.
ഫേസ്ബുക്ക് പോസ്റ്റിലൂടെയാണ് മന്ത്രി ഇക്കാര്യം പറഞ്ഞത്. എക്കാലത്തെയും മികച്ച പ്രതിദിന ടിക്കറ്റ് വരുമാനമായ 10.19 കോടി കെഎസ്ആര്ടിസി നേടിയത് സെപ്റ്റംബര് എട്ടിനായിരുന്നു.
ജീവനക്കാരുടെയും, സൂപ്പര്വൈസര്മാരുടെയും, ഓഫീസര്മാരുടെയും ഏകോപിതമായ പരിശ്രമങ്ങളിലൂടെയാണ് തുടര്ച്ചയായി മികച്ച വരുമാനം നേടി മുന്നേറുന്നതിന് കെഎസ്ആര്ടിസിക്ക് സഹായകരമാകുന്നതെന്ന് മന്ത്രി ഫെയ്സ്ബുക്കില് കുറിച്ചു.
മന്ത്രിയുടെ ഫേസ്ബുക്ക് കുറിപ്പിന്റെ പൂര്ണരുപം
തുടരും ഈ വിജയയാത്ര..
ടിക്കറ്റ് വരുമാനത്തില് കെഎസ്ആര്ടിസിക്ക് ചരിത്രത്തിലെ രണ്ടാമത്തെ ഉയര്ന്ന കളക്ഷന് : 09.41 കോടി രൂപ
കേരള സ്റ്റേറ്റ് റോഡ് ട്രാന്സ്പോര്ട്ട് കോര്പ്പറേഷന് (KSRTC) ചരിത്രത്തിലെ രണ്ടാമത്തെ ഏറ്റവും വലിയ പ്രതിദിന ടിക്കറ്റ് വരുമാന നേട്ടം ( ഓപ്പറേറ്റിംഗ് റവന്യു ).
2025 സെപ്റ്റംബര് 8-ാം തീയതിയാണ് എക്കാലത്തെയും മികച്ച പ്രതിദിന ടിക്കറ്റ് വരുമാനമായ 10.19 കോടി കെഎസ്ആര്ടിസി നേടിയത്. 06.10.2025 ന് രണ്ടാമത്തെ ഉയര്ന്ന കളക്ഷനായ 9.41 കോടി നേടാനായി.
ജീവനക്കാരുടെയും, സൂപ്പര്വൈസര്മാരുടെയും, ഓഫീസര്മാരുടെയും ഏകോപിതമായ പരിശ്രമങ്ങളിലൂടെയാണ് തുടര്ച്ചയായി മികച്ച വരുമാനം നേടി മുന്നേറുന്നതിന് കെഎസ്ആര്ടിസിക്ക് സഹായകരമാകുന്നത്