തിരുവനന്തപുരം: സ്കൂൾ പ്രവേശനോത്സവത്തിൽ മുഖ്യാതിഥിയായി പോക്സോ കേസ് പ്രതിയായ വ്ലോഗര് മുകേഷ് എം നായറെ പങ്കെടുപ്പിച്ച സംഭവത്തിൽ ഹെഡ്മാസ്റ്ററുടെ ഭാഗത്ത് വീഴ്ചയുണ്ടായതായി ഡിഡിയുടെ അന്വേഷണ റിപ്പോര്ട്ട്.
തിരുവനന്തപുരം ഫോര്ട്ട് ഹൈസ്കൂളിലാണ് സംഭവം. ഫോര്ട്ട് ഹൈസ്കൂള് ഹെഡ്മാസ്റ്ററുടെ ഭാഗത്തുനിന്ന് വീഴ്ചയുണ്ടായെന്നും ഉത്തരവാദിത്വത്തിൽ നിന്ന് ഒഴിവാകാനാകില്ലെന്നുമാണ് റിപ്പോര്ട്ടിൽ പറയുന്നത്.
സ്പോണ്സറാകാം മുകേഷ് എം നായറെ ക്ഷണിച്ചതെന്നും ഇക്കാര്യത്തിൽ നേരിട്ട് ഹെഡ്മാസ്റ്റര്ക്ക് പങ്കില്ലായിരിക്കാമെന്നും റിപ്പോര്ട്ടിലുണ്ട്. എന്നാൽ, ഒരു പോക്സോ പ്രതി ചടങ്ങിൽ പങ്കെടുത്തിൽ എച്ച് എമ്മിനും ഒഴിയാനാവില്ലെന്നും റിപ്പോര്ട്ടിൽ പറയുന്നു.
റിപ്പോര്ട്ട് അന്വേഷണ ഡയറക്ടര് ജനറൽ ഓഫ് എജ്യുക്കേഷന് കൈമാറി. എന്നാൽ, റിപ്പോര്ട്ട് കൂടുതൽ വ്യക്തത വരുത്തണമെന്നാവശ്യപ്പെട്ട് ഡിജിഇ എസ് ഷാനവാസ് തിരികെ നൽകി. നടപടിക്കുള്ള ശുപാര്ശയും റിപ്പോര്ട്ടിൽ ഉള്പ്പെടുത്തണമെന്നും ഡിജിഇ ആവശ്യപ്പെട്ടു.