കണ്ണൂര്‍: സംസ്ഥാന സര്‍ക്കാരിന്റെ നാലാം വാര്‍ഷികത്തിന്റെ ഫ്‌ളക്‌സ് കീറിയ സംഭവത്തില്‍ യൂത്ത് കോണ്‍ഗ്രസ് നേതാവ് അറസ്റ്റില്‍. കണ്ണൂരിലാണ് സംഭവം.
മലപ്പട്ടം അടുവാപ്പുറം സ്വദേശി പി ആര്‍ സനീഷിനെയാണ് ടൗണ്‍ പൊലീസ് അറസ്റ്റ് ചെയ്തത്. സനീഷിനെ അറസ്റ്റ് ചെയ്തതില്‍ പ്രതിഷേധവുമായി കോണ്‍ഗ്രസ് രംഗത്തെത്തി.
കലക്ട്രേറ്റ് മാര്‍ച്ചിനിടെ കലക്ട്രേറ്റിന്റെ മുന്നില്‍ സ്ഥാപിച്ച, മുഖ്യമന്ത്രി പിണറായി വിജയന്റെ ചിത്രമുള്ള ഫ്‌ളക്‌സാണ് സനീഷ് ഉള്‍പ്പെടെയുള്ള കോണ്‍ഗ്രസ് പ്രവര്‍ത്തകര്‍ കീറിയത്.
അതേ ദിവസം വൈകീട്ട് സനീഷിന്റെ പറമ്പില്‍ സ്ഥാപിച്ച ഗാന്ധി സ്തൂപവും തകര്‍ക്കപ്പെട്ടു. ഇതുമായി ബന്ധപ്പെട്ട് മലപ്പട്ടത്ത് സംഘര്‍ഷം ഉടലെടുത്തിരുന്നു.