കല്ലടിക്കോട്: രാത്രിയിൽ നിർത്തിയിട്ട മിനി ബസിനടിയിൽ കിടന്നുറങ്ങിയ ആൾ വാഹനം പിന്നോട്ട് എടുക്കുന്നതിനിടെ പിൻ ചക്രങ്ങൾ കയറിമരണപ്പെട്ടു. പാലക്കാട് കല്ലടിക്കോട് തുപ്പനാട് ചെറുളി സ്വദേശി അബ്ദുൾ റഹ്‌മാൻ (63) ആണ് മരണപ്പെട്ടത്.
തിങ്കളാഴ്ച്ച രാത്രി 11.30-ഓടെയാണ് സംഭവമുണ്ടായത്. കല്ലടിക്കോട് സത്രംകാവ് ക്ഷേത്രത്തിലെ ഉത്സവത്തിന് ചെണ്ടമേള സംഘത്തെ എത്തിച്ച വാഹനത്തിന് താഴെയാണ് അബ്ദുൾ റഹ്‌മാൻ കിടന്നത് പുളിചൊട് ജംങ്ഷനിൽ നിർത്തിയിട്ടതായിരുന്നു വാഹനം.
പിന്നീട് രാവിലെയോടെ ഉത്സവം കഴിഞ്ഞു വാഹനം എടുത്തുപോയതിനുശേഷമാണ് റഹ്‌മാൻ റോഡരികിൽ മരിച്ചുകിടക്കുന്നത് നാട്ടുകാർ കാണുന്നത്. തുടർന്ന് പോലീസിൽ വിവരം അറിയിച്ചതോടെയാണ് അന്വേഷണത്തിൽ വാഹനം കണ്ടെത്തിയത്.