കൊല്ലം: കൊല്ലം ഓയൂരിൽ നിന്ന് കുട്ടിയെ തട്ടിക്കൊണ്ടുപോയ സംഭവത്തിൽ മൂന്ന് പേരെ പോലീസ് കസ്റ്റഡിയിലെടുത്തു രണ്ട് പുരുഷന്മാരെയും ഒരു സ്ത്രീയെയുമാണ് തമിഴ്‌നാട്ടിലെ തെങ്കാശി പുളിയറയിൽ നിന്ന് പോലീസ് പിടികൂടിയത്. രണ്ട് വാഹനങ്ങളും കസ്റ്റഡിയിലെടുത്തിട്ടുണ്ട്. കൊല്ലം എസ്പിയുടെ നേതൃത്വത്തിലുള്ള അന്വേഷണ സംഘമാണ് നടപടി എടുത്തത്.
കൊല്ലം ചാത്തന്നൂർ സ്വദേശികളാണ് പിടിയിലായത്. ഇവർ കുട്ടിയുടെ ബന്ധുക്കൾ തന്നെയാണെന്ന തരത്തിലുള്ള വാർത്തകളും പുറത്തെത്തിയിട്ടുണ്ട്. അതല്ല, പ്രതികൾ ഒരേ കുടുംബത്തിലുള്ളവരാണെന്ന തരത്തിലും വാർത്തകൾ വരികയാണ്. ഇക്കാര്യം സ്ഥിരീകരിച്ചിട്ടില്ല. തട്ടിക്കൊണ്ട് പോകൽ സാമ്പത്തിക തർക്കത്തിന്റെ പേരിലാണ് എ്‌നനാണ് സൂചന.
ALSO READ- കുട്ടിയെ തട്ടിക്കൊണ്ടുപോയത് നഴ്‌സിംഗ് പരീക്ഷാത്തട്ടിപ്പ് സംഘം? നഴ്‌സിങ് കെയർടേക്കർ യുവതിയിലേക്ക് അന്വേഷണം; കുട്ടിക്ക് മയക്കുമരുന്ന് നൽകിയെന്നും സംശയം
നേരത്തെ തന്നെ പോലീസ് രണ്ട് തവണ കുട്ടിയുടെ പിതാവിനെ ചോദ്യം ചെയ്തിരുന്നു. ഇയാളുടെ ഫ്‌ളാറ്റിൽ തിരച്ചിൽ നടത്തുകയും ഫോൺ കസ്റ്റഡിയിലെടുക്കുകയും ചെയ്തിരുന്നു.