കൊച്ചി: ഓടിക്കൊണ്ടിരിക്കുന്ന ട്രെയിനില്‍ പുക കണ്ടതിന് പിന്നാലെ അപായച്ചങ്ങല വലിച്ചിട്ടും നിര്‍ത്താതെ മെമു. ആലപ്പുഴ- എറണാകുളം മെമുവിനെതിരെയാണ് യാത്രക്കാരുടെ പരാതി.
ലേഡീസ് കോച്ചിലാണ് പുക കണ്ടത്. ഇന്നലെ രാവിലെ 7.25ന് ആലപ്പുഴയില്‍ നിന്ന് എറണാകുളത്തേയ്ക്ക് പുറപ്പെട്ട മെമു എറണാകളം ജംഗ്ഷനില്‍ എത്തുന്നതിന് മുന്‍പായിരുന്നു സംഭവം.
also read; ഏഴ് വലിയ ഗ്ലാസ് പാളികള്‍ ദേഹത്ത് വീണു, അതിഥി തൊഴിലാളിക്ക് ദാരുണാന്ത്യം
സ്ത്രീകളും ബഹളം കേട്ട് മറ്റു കോച്ചുകളില്‍ നിന്നെത്തിയവരും പലതവണ അപായച്ചങ്ങല വലിച്ചിട്ടും ട്രെയിന്‍ നിര്‍ത്തിയില്ല. എറണാകുളം ജംഗ്ഷന്‍ റെയില്‍വേ സ്റ്റേഷനിലെ ആറാമത്തെ പ്ലാറ്റ്ഫോമിലാണ് ട്രെയിന്‍ നിര്‍ത്തിയത്.
also read: ക്രിസ്തീയ മതവിശ്വാസത്തിനെതിരെ വിദ്വേഷ പ്രചാരണം; സ്റ്റണ്ട് മാസ്റ്റര്‍ കനല്‍ കണ്ണന്‍ അറസ്റ്റില്‍
തുടര്‍ന്ന് എന്തുകൊണ്ടാണ് ട്രെയിന്‍ നിര്‍ത്താതിരുന്നതെന്ന് യാത്രക്കാര്‍ ചോദിച്ചപ്പോള്‍ അപായച്ചങ്ങല വലിക്കുമ്പോള്‍ ലഭിക്കേണ്ട സിഗ്‌നല്‍ ലഭിച്ചില്ലെന്നാണ് ലോക്കോപൈലറ്റ് പറഞ്ഞത്. സംഭവത്തില്‍ അന്വേഷണം നടത്തുമെന്ന് റെയില്‍വേ അധികൃതര്‍ പറഞ്ഞു.