പത്തനംതിട്ട: ആറന്മുളയില് കൊവിഡ് രോഗിയെ ആംബുലന്സില് വെച്ച് പീഡിപ്പിച്ച സംഭവത്തില് പോലീസ് കുറ്റപത്രം സമര്പ്പിച്ചു. 540 പേജുള്ള കുറ്റപത്രമാണ് സമര്പ്പിച്ചത്. 41 ദിവസംകൊണ്ടാണ് അന്വേഷണം പൂര്ത്തീകരിച്ച് കുറ്റപത്രം കോടതിയില് സമര്പ്പിച്ചത്.
പ്രതി നൗഫല് കൊവിഡ് രോഗിയായ പെണ്കുട്ടിയെ ലൈംഗീക പീഡനത്തിന് ഇരയാക്കിയെന്ന് കുറ്റപത്രത്തില് പറയുന്നു. സെപ്തംബര് അഞ്ചിനാണ് കേസിന് ആസ്പദമായ സംഭവമുണ്ടായത്. പത്തനംതിട്ട പ്രിന്സിപ്പല് സെഷന്സ് കോടതിയിലാണ് കുറ്റപത്രം നല്കിയത്. കേസില് 94 സാക്ഷികളാണുള്ളത്. പട്ടികജാതി, പട്ടികവര്ഗ പീഡന നിരോധന നിയമം ഉള്പ്പെടെ എട്ട് വകുപ്പുകളാണ് പ്രതിക്കെതിരേ ചുമത്തിയിട്ടുള്ളത്.
അര്ധരാത്രി ആംബുലന്സില് ആശുപത്രിയിലേക്ക് പോകുന്ന വഴിയാണ് ആംബുലന്സ് ഡ്രൈവറായ പ്രതി പെണ്കുട്ടിയെ പീഡനത്തിന് ഇരയാക്കിയത്. പെണ്കുട്ടിയെ പീഡിപ്പിക്കുക എന്ന ഉദേശത്തോടുകൂടി തന്നെ പ്രതി പ്രവര്ത്തിച്ചുവെന്നാണ് കുറ്റപത്രത്തില് വ്യക്തമാക്കിയിരിക്കുന്നത്. കേസിലെ പ്രതിയായ നൗഫലിനെ സംഭവം നടന്ന് മണിക്കൂറുകള്ക്കുള്ളില് തന്നെ പോലീസ് പിടികൂടിയിരുന്നു.