കൊച്ചി: സംസ്ഥാനത്ത് ഒരു കൊവിഡ് മരണം കൂടി റിപ്പോര്ട്ട് ചെയ്തു. പെരുമ്പാവൂര് പുല്ലുവഴിയില് ഇന്നലെ മരിച്ചയാള്ക്ക് കൊവിഡ് സ്ഥിരീകരിച്ചതോടെയാണ് സംസ്ഥാനത്ത് ഒരു കൊവിഡ് മരണം കൂടി റിപ്പോര്ട്ട് ചെയ്തിരിക്കുന്നത്. പൊന്നയംപിള്ളിയില് പികെ ബാലകൃഷ്ണന് നായരാ(79)ണ് വൈറസ് ബാധയെ തുടര്ന്ന് മരിച്ചത്.
ശ്വാസതടസത്തെ തുടര്ന്ന് കോലഞ്ചേരി മെഡിക്കല് മിഷന് ആശുപത്രിയില് ചികിത്സായിലായിരുന്ന ബാലകൃഷ്ണന് ഇന്നലെയാണ് മരിച്ചത്. തുടര്ന്ന് നടത്തിയ സ്രവ പരിശോധനയിലാണ് ഇയാള്ക്ക് കൊവിഡ് സ്ഥിരീകരിച്ചത്. 79 വയസായിരുന്നു. കൊവിഡ് മരണം സ്ഥിരീകരിച്ചതോടെ രായമംഗലം പഞ്ചായത്തില് അടിയന്തര യോഗം ചേര്ന്നു. ആരോഗ്യവകുപ്പ് ബാലകൃഷ്ണന്റെ സമ്പര്ക്ക പട്ടിക തയ്യാറാക്കുകയാണ്.
ബാലകൃഷ്ണന് ആദ്യം ചികിത്സ തേടിയ വളയന്ചിറങ്ങരയിലെ സ്വകാര്യ ക്ലിനിക് താത്ക്കാലികമായി അടച്ചു. ഇതോടെ സംസ്ഥാനത്തെ കൊവിഡ് ബാധിച്ച് മരിച്ചവരുടെ എണ്ണം 29 ആയി. എറണാകുളം ജില്ലയിലെ മൂന്നാമത്തെ കൊവിഡ് മരണമാണിത്. രത്നമ്മയാണ് ഭാര്യ. മക്കള് : പി ബി അജയന്( കെഎസ്ഇബി ആലുവ). ബിന, മരുമക്കള്: വിജയലക്ഷ്മി, സന്തോഷ്.