റാച്ചി : പാകിസ്താനില്‍ പെണ്‍കുട്ടികളെ തട്ടിക്കൊണ്ടുപോയി മതപരിവര്‍ത്തനം നടത്തിയ സംഭവത്തില്‍ വിദേശകാര്യമന്ത്രി സുഷമ സ്വരാജ് പാകിസ്താനിലെ ഇന്ത്യന്‍ ഹൈക്കമ്മീഷനോട് റിപ്പോര്‍ട്ട് തേടി. സുഷമാ സ്വരാജ് ട്വിറ്റര്‍ അക്കൗണ്ടിലൂടെയാണ് ഈ വിവരം അറിയിച്ചിരിക്കുന്നത്. ഖോഡ്കി ജില്ലയിലെ റീന (15), രവീണ (13) എന്നിവരെയാണ് തട്ടിക്കൊണ്ടു പോയത്.
കഴിഞ്ഞ ഹോളി ദിനത്തില്‍ പ്രായപൂര്‍ത്തിയാകാത്ത ഹിന്ദു സഹോദരിമാരെ തട്ടിക്കൊണ്ടു പോവുകയും മതപരിവര്‍ത്തനം നടത്തുകയും ചെയ്തുവെന്നും ബലപ്രയോഗത്തിലൂടെ വിവാഹം നടത്തിയതായും ആരോപണമുണ്ട്. ഒരു മുസ്ലീം പണ്ഡിതന്റെ നേതൃത്വത്തിലുള്ള ഈ പെണ്‍കുട്ടികളുടെ വിവാഹത്തിന്റെ വീഡിയോ സമൂഹമാധ്യമങ്ങളില്‍ വൈറലായിരുന്നു.
ഇതോടെ പ്രതിഷേധവുമായി നിരവധിയാളുകള്‍ രംഗത്തെത്തി. തുടര്‍ന്ന് തങ്ങള്‍ സ്വന്തം ഇഷ്ടപ്രകാരമാണ് ഇസ്ലാമില്‍ ചേര്‍ന്നതെന്നും വിവാഹം കഴിക്കാന്‍ ആരും നിര്‍ബന്ധിച്ചില്ലെന്നും പെണ്‍കുട്ടികള്‍ പറയുന്ന മറ്റൊരു വീഡിയോയും പ്രചരിച്ചു.
Mr.Minister @fawadchaudhry – I only asked for a report from Indian High Commissioner in Islamabad about the kidnapping and forced conversion of two minor Hindu girls to Islam. This was enough to make you jittery. This only shows your guilty conscience. @IndiainPakistan
— Chowkidar Sushma Swaraj (@SushmaSwaraj) March 24, 2019