ന്യൂഡല്‍ഹി: വ്യോമസേനയുടെ ഒരു പൈലറ്റ് തിരിച്ചെത്തിയിട്ടില്ലെന്നും യുദ്ധവിമാനം മിഗ് 21 നഷ്ടമായെന്നും ഇന്ത്യ സ്ഥിരീകരിച്ചതിന് തൊട്ടു പിന്നാലെ സംഭവത്തില്‍ ദു:ഖം രേഖപ്പെടുത്തി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. തന്റെ ട്വിറ്റര്‍ അക്കൗണ്ടിലൂടെയാണ് രാഹുല്‍ ഗാന്ധി രംഗത്ത് വന്നിരിക്കുന്നത്.
‘വ്യോമസേനയുടെ ധീരനായ ഒരു പൈലറ്റിനെ കാണാതായി എന്ന് കേള്‍ക്കുന്നതില്‍ ദുഖിതനാണ്. ആരോഗ്യവാനായി എത്രയും പെട്ടെന്ന് അദ്ദേഹം വീട്ടില്‍ തിരിച്ചെത്തുമെന്നാണ് പ്രതീക്ഷ. ഈ പ്രതിസന്ധിയില്‍ നാം നമ്മുടെ സൈന്യ വിഭാഗങ്ങള്‍ക്ക് ഒപ്പം നില്‍ക്കണമെന്ന്’ അദ്ദേഹം ട്വീറ്റ് ചെയ്തു.
🇮🇳 I’m sorry to hear that one of our brave IAF pilots is missing. I hope he will return home soon, unharmed. We stand by our armed forces in these difficult times. 🇮🇳
— Rahul Gandhi (@RahulGandhi) February 27, 2019