ചെന്നൈ: ഡി.ജെ.പാർട്ടിക്കിടെ ഐടി ജീവനക്കാരനായ യുവാവ് കുഴഞ്ഞു വീണുമരിച്ചു. ചെന്നൈ അണ്ണാനഗറിന് സമീപമുള്ള വി.ആർ.മാളിലെ ബാറിൽ നടന്ന പാർട്ടിയിൽ പങ്കെടുത്ത മടിപ്പാക്കത്ത് താമസിക്കുന്ന എസ്. പ്രവീണാണ് മരിച്ചത്. 23 വയസായിരുന്നു.
ശരീരത്തിൽ അമിതമായി മദ്യമെത്തിയതാണ് മരണകാരണമെന്ന് പോലീസ് പറഞ്ഞു. സംഭവത്തിൽ, ഡി.ജെ. പാർട്ടി സംഘടിപ്പിച്ച മൂന്ന് പേർക്കെതിരേ പോലീസ് കേസെുത്തു. അനുമതിയില്ലാതെയാണ് ശനിയാഴ്ച രാത്രിയിൽ പാർട്ടി നടത്തിയതെന്നും അന്വേഷണത്തിൽ കണ്ടെത്തി.
ബ്രസീലിൽനിന്നുള്ള ഡി.ജെ അടക്കമുള്ളവർ നേതൃത്വം നൽകിയ പാർട്ടിയിൽ വൻതോതിൽ യുവതീ-യുവാക്കൾ പങ്കെടുത്തിരുന്നു. പാർട്ടി നടത്തിയിടത്തുനിന്ന് എണ്ണൂറിലേറെ ഒഴിഞ്ഞ മദ്യക്കുപ്പികൾ പോലീസ് കണ്ടെടുത്തിട്ടുണ്ട്.
ഒരാൾക്ക് 1,500 രൂപ എന്ന നിരക്കിലായിരുന്നു ചാർജ് ഈടാക്കിയത്. ഇതിൽ പങ്കെടുക്കാൻ രണ്ട് സുഹൃത്തുകൾക്കൊപ്പം എത്തിയ പ്രവീൺ പാർട്ടിക്കിടെ കുഴഞ്ഞുവീഴുകയായിരുന്നു. ചെന്നൈ സെൻട്രലിലുള്ള രാജീവ് ഗാന്ധി ജനറൽ ആശുപത്രിയിൽ എത്തിച്ചെങ്കിലും മരണപെടുകയായിരുന്നു.