പുഴയില്‍ ഒഴുക്കില്‍പ്പെട്ടയാളുടെ അടുത്തേക്ക് ഓടിയെത്തി, കരയ്‌ക്കെത്തിച്ച് ആന; ഹൃദയം കവരുന്ന വീഡിയോ

ദിവസങ്ങളായി മനുഷ്യന്റെ ക്രൂരതയ്ക്കിരകളാവുന്ന ആനകളുടെ വാര്‍ത്തകളാണ് പുറത്തുവരുന്നത്. എന്നാലിപ്പോള്‍ ആനയ്ക്ക് മനുഷ്യനോട് എത്രമാത്രം കരുതലാണെന്ന് കാണിക്കുന്ന,അത്രമേല്‍ ഹൃദയം കവരുന്ന ഒരു വീഡിയോ ആണ് സോഷ്യല്‍ലോകത്തെ് വൈറലാകുന്നത്.

പുഴയില്‍ ഒഴുകിപ്പോകുന്ന യുവാവിനെ രക്ഷപ്പെടുത്തുന്ന ആനയുടെ ദൃശ്യങ്ങളാണ് വൈറലായിരിക്കുന്നത്. പുഴയില്‍ ഒഴുകിപ്പോകുകയാണ് ഒരു യുവാവ്. ഇത് കണ്ട ആനക്കൂട്ടത്തിലെ പിടിയാന യുവാവിനെ രക്ഷിക്കാന്‍ പുഴ നീന്തുന്നു. നീന്തി യുവാവിന്റെ അരികില്‍ എത്തുന്ന ആന യുവാവിനെ കരയ്ക്ക് അടുപ്പിക്കുകയാണ്.

വീഡിയോ 2016ല്‍ ഏതോ വിനോദസഞ്ചാരകേന്ദ്രത്തില്‍ നിന്നും പകര്‍ത്തിയതാണ്. ഒഴുക്കില്‍പ്പട്ടയാളോട് ആന എത്രമാത്രം കരുതല്‍ കാണിക്കുന്നുണ്ടെന്ന് വ്യക്തമാക്കുകയാണ് ദൃശ്യം.

സുധാ രാമന്‍ ഐഎഫ്എസ് ആണ് ഹൃദ്യമായ വീഡിയോ ട്വിറ്ററില്‍ പങ്കുവെച്ചിരിക്കുന്നത്. മനുഷ്യനോടുള്ള ആനയുടെ സമീപനം തിരിച്ചറിയാന്‍ ഓര്‍മ്മിപ്പിച്ച് കൊണ്ട് ആമുഖത്തോടെയാണ് വീഡിയോ പങ്കുവെച്ചിരിക്കുന്നത്.