ന്യൂഡല്‍ഹി: താന്‍ ദേശഭക്തനാണെന്നു മോഡി സ്വയം അവകാശപ്പെടുന്നു, എന്തു തരം ദേശഭക്തിയാണിത്? എന്ന് പ്രധാനമന്ത്രിക്കെതിരെ തുറന്നടിച്ച് രാഹുല് ഗാന്ധി. രാജ്യത്ത് നിലവില്‍ കോണ്‍ഗ്രസ് ആയിരുന്നു ഭരണത്തിലെങ്കില്‍ കടന്നുകയറിയ ചൈനീസ് സേനയെ 15 മിനിറ്റിനുള്ളില്‍ അതിര്‍ത്തിയില്‍ നിന്ന് തുരത്തുമായിരുന്നുവെന്നും രാഹുല് ഗാന്ധി പറഞ്ഞു.
ഇന്ത്യയുടെ ഭൂമിയിലേക്ക് ആരും കടന്നുകയറിയിട്ടില്ലെന്ന് ഭീരുവായ പ്രധാനമന്ത്രി നരേന്ദ്ര മോഡി പറയുന്നു. ചൈനീസ് സേനാംഗങ്ങള്‍ ഇന്ത്യയുടെ പ്രദേശത്താണു നില്‍ക്കുന്നതെന്ന് രാജ്യത്തിനു മുഴുവന്‍ അറിയാമെന്നും 1200 ചതുരശ്ര കിലോമീറ്റര്‍ അവര്‍ കയ്യടക്കിയെന്നും രാഹുല് ചൂണ്ടിക്കാട്ടി.
താന്‍ ദേശഭക്തനാണെന്നു മോഡി സ്വയം അവകാശപ്പെടുന്നു. എന്തു തരം ദേശഭക്തിയാണിത്? കോണ്‍ഗ്രസ് സര്‍ക്കാര്‍ അധികാരത്തിലിരുന്നപ്പോള്‍ ഇന്ത്യന്‍ മണ്ണില്‍ ഒരു ചുവടു വയ്ക്കാന്‍ പോലും ചൈന ധൈര്യപ്പെട്ടിട്ടില്ലെന്നും രാഹുല് പറഞ്ഞു.
ചൈന നമ്മുടെ ഭൂമി കൈവശപ്പെടുത്തി. അതു തിരിച്ചു പിടിക്കുമോ അതോ ദൈവത്തിന്റെ പ്രവര്ത്തിയാണെന്ന് പറഞ്ഞിട്ടു കളയുമോയെന്നും രാഹുല് നേരത്തെ പരിഹസിച്ചിരുന്നു. കോവിഡ് മൂലം സാമ്പത്തിക പ്രതിസന്ധിയുണ്ടായത് ദൈവത്തിന്റെ പ്രവര്ത്തിയാണെന്ന് ധനമന്ത്രി നിര്മല നിര്മല സീതാരാമന് പറഞ്ഞതിനെക്കൂടി ഉദ്ദേശിച്ചായിരുന്നു രാഹുലിന്റെ പരിഹാസം.