ന്യൂഡല്ഹി: പൊതുമേഖലാ കമ്പനികളായ എയര് ഇന്ത്യയും ഭാരത് പെട്രോളിയം കോര്പ്പറേഷനും വില്ക്കുന്നു. അടുത്ത വര്ഷം മാര്ച്ച് മാസത്തോടെ വില്ക്കുമെന്ന് ധനകാര്യ മന്ത്രി നിര്മലാ സീതാരാമന് പറഞ്ഞു. നടപ്പ് സാമ്പത്തിക വര്ഷത്തില് ഒരു ലക്ഷം കോടി രൂപ സമാഹരിക്കാനുള്ള സര്ക്കാര് പദ്ധതിയുടെ ഭാഗമായിട്ടാണ് രണ്ട് പൊതുമേഖല കമ്പനികള് വില്ക്കുന്നത്. ടൈംസ് ഓഫ് ഇന്ത്യക്ക് നല്കിയ അഭിമുഖത്തിലാണ് മന്ത്രി ഇക്കാര്യം വ്യക്തമാക്കിയത്.
എയര് ഇന്ത്യയുടെ വില്പനയില് മുന് വര്ഷങ്ങളില് നിക്ഷേപകര് അത്ര താത്പര്യം പ്രകടിപ്പിച്ചിരുന്നില്ല. എന്നാല് ഇപ്പോള് വിദേശ നിക്ഷേപക സംഗമങ്ങളില് എയര് ഇന്ത്യയുടെ വില്പനയില് നിക്ഷേപകര് വലിയ താത്പര്യം കാണിക്കുന്നുണ്ട് മന്ത്രി കൂട്ടിച്ചേര്ത്തു.
സാമ്പത്തിക പ്രതിസന്ധി മറികടക്കാന് സര്ക്കാര് ശരിയായ സമയത്ത് ഇടപെടലുകള് നടത്തിയിട്ടുണ്ട്. എല്ലാ മേഖലകളിലെ പ്രതിസന്ധികളും മറികടക്കും. പലരും പുതിയ നിക്ഷേപം ആസൂത്രണം ചെയ്യുകയാണെന്നും മന്ത്രി പറഞ്ഞു.