ആലപ്പുഴ : യുവാവിനെ കാറിനുള്ളില് മരിച്ച നിലയില് കണ്ടെത്തി. ആലപ്പുഴയിലെ നങ്ങ്യാര്കുളങ്ങരയിലാണ് സംഭവം. രൂപേഷ് (37) എന്നയാളാണ് കാറിനുള്ളില് മരിച്ച നിലയില് കണ്ടെത്തിയത്. സംഭവത്തില് പോലീസ് അന്വേഷണം ആരംഭിച്ചു.
സുഹൃത്തിന്റെ വീടിന് മുന്നിലായി നിര്ത്തിയിട്ടിരുന്ന കാറിനുള്ളിലാണ് യുവാവിന്റെ മൃതദേഹം കണ്ടെത്തിയത്. കഴിഞ്ഞദിവസം രാവിലെ വീട്ടില് നിന്നും ഇറങ്ങിയ രൂപേഷ് തിരിച്ച് എത്തിയിരുന്നില്ലെന്ന് ബന്ധുക്കള് പറയുന്നു.
വിവരമറിയിച്ചതിനെ തുടര്ന്ന് സ്ഥലത്തെത്തിയ പോലീസ് പരിശോധന നടത്തി. സംഭവത്തില് അന്വേഷണം ആരംഭിച്ചിട്ടുണ്ട്.