നടന്‍ ദുല്‍ഖറിന്റെ കുഞ്ഞുമാലാഖ മറിയം സോഷ്യല്‍മീഡിയയിലെ കുഞ്ഞുതാരമാണ്, ഉപ്പൂപ്പയെയും വാപ്പച്ചിയെയും പോലെ നിരവധി ആരാധകരുണ്ട് മറിയത്തിനും.
”അവള്‍ ‘ആളെക്കൂട്ടി’യാണ്. എവിടെ ചെന്നാലും എല്ലാവരേയും വിളിച്ചു കൊണ്ടുവരും. എന്നിട്ട് അവരുടെ നടുക്കിരുന്നു കുസൃതികള്‍ കാണിക്കും. നോണ്‍ സ്റ്റോപ് വര്‍ത്തമാനമാണ് ആള്. ഭക്ഷണം കഴിക്കുന്ന സമയമാകുമ്പോള്‍ എല്ലാവരേയും വിളിച്ചു കൊണ്ടുവരും എന്നിട്ട് ഒരുമിച്ചിരുന്ന് ഭക്ഷണം കഴിക്കാന്‍ വാശി പിടിക്കുമെന്നും രണ്ടുവയസ്സുകാരിയായ കുസൃതിക്കുട്ടിയെ കുറിച്ച് വാചാലനാവുകയാണ് ദുല്‍ഖര്‍.
വനിതയ്ക്ക് നല്‍കിയ അഭിമുഖത്തിലാണ് താരം മറിയത്തിന്റെ കുസൃതികളെക്കുറിച്ച് പറഞ്ഞത്. കുഞ്ഞു രാജകുമാരിയുടെ ചിത്രങ്ങള്‍ താരം സോഷ്യല്‍മീഡിയയില്‍ പോസ്റ്റ് ചെയ്യുന്നത് നിമിഷങ്ങള്‍ കൊണ്ട് വൈറലാകാറുണ്ട്.